پاکستانی نژاد معروف برطانوی تاجر انیل مسرت نے بھارتی اینکر ارنب گوسوامی کے خلاف ہتک عزت کا مقدمہ جیت لیا۔ انہوں نے این ڈی ٹی وی کے خلاف برطانوی ہائی کورٹ سے رجوع کر رکھا تھا۔
انیل مسرت نے بھارتی ٹی وی پر اپنے خلاف ہونے والے پروپیگنڈے کیخلاف عدالت میں ہتک عزت کا کیس دائرکیا تھا۔ این ڈی ٹی وی نے 22جولائی 2020 کو ایک خبر نشر کی تھی جس میں جھوٹا دعویٰ کیا تھا کہ انیل مسرت پاکستانی خفیہ ادارے کیلئے کام کر رہے ہیں۔
لندن ہائیکورٹ نے مقدمے پر سماعت کی جس میں انیل مسرت کا آئی ایس آئی سے کوئی تعلق ثابت نہیں ہوا۔ ارنب گوسوامی نے انیل مسرت کے ساتھ بالی ووڈ اداکاروں پر بھی الزام عائد کیا تھا کہ وہ انیل مسرت کے ساتھ رابطے میں ہیں اور کہا کہ انہیں بھی آئی ایس آئی کا آلہ کار نہیں بننا چاہیے۔
عدالت نے مدعی انیل مسرت کے وکیل کے دلائل سنے جبکہ ارنب گوسوامی یا این ڈی ٹی وی کا کوئی نمائندہ عدالت میں پیش نہیں ہوا جس کے بعد عدالت نے انیل مسرت کے حق میں فیصلہ کرتے ہوئے این ڈی ٹی وی کی انتظامیہ پر 37ہزار 500 پاؤنڈ جرمانہ بھی عائد کر دیا ہے۔
یاد رہے کہ انیل مسرت کو عمران خان کے دور حکومت میں سابق وزیراعظم کے قریبی ساتھیوں میں شمار کیا جاتا رہا ہے۔