Kashif Rafiq
Prime Minister (20k+ posts)
معروف عالم دین محمد علی مرزا عمران خان کے مخالفین میں شمار ہوتے ہیں اور اسٹیبلشمنٹ کی حمایت کررہے ہیں جس پر وہ تنقید کی زد میں ہیں ، انہوں نے سائفر کیس، 9 مئی واقعات پر عمران خان کی کھل کر مخالفت کی ۔
محمد علی مرزا کا ایک کلپ وائرل ہورہا ہے جس میں وہ کہہ رہے ہیں کہ اگر عمران خان زندہ رہے اور جیل سے باہر آ گئے تو ملک میں استحکام نظر نہیں آئے گا، آپ فوج کی مجبوری کو بھی سمجھیں۔
انہوں نے مزید کہا کہ اسکے لئے عمران خان،نوازشریف ، آرمی چیف، چیف جسٹس کو کعبے کی چھت پر کھڑا ہونا پڑے گااور پبلکلی اپنے گناہوں کی معافی مانگنا پڑے گی،
اس سے قبل محمد علی مرزا عمران خان کی حمایت میں اور فوج کی مخالفت میں سخت ردعمل اپناتے رہے اور کہتے رہے کہ یہ خانہ کعبہ کی چھت پر کھڑے ہوکر حلف بھی دیں تو عوام ان پر یقین نہیں کریگی
فیاض شاہ نے کلپ شئیر کرتے ہوئے کہا کہ اتنا جلدی تو گرگٹ رنگ نہیں بدلتا جتنا جلدی مرزا نے اپنا بیان بدلا ہے۔ خود سُن لیں سافٹ وئیر اپڈیٹ سے پہلے یہ کیا کہا کرتا تھا۔
محمد علی مرزا نے کچھ عرصہ قبل ایک صحافی سے گفتگو کرتے ہوئے کہا تھا کہہ سارے کور کمانڈر اب خانہ کعبہ کی چھت پر کھڑے ہو کربھی حلف دے دیں کہ اب ہم سیاست میں نہیں آئیں گے تو پاکستانی قوم یقین نہیں کرے گی، عوام میں شدید نفرت ہے اب
- Featured Thumbs
- https://i.imgur.com/XzDvPPV.jpeg
