ترجمان الیکشن کمیشن نے سوشل میڈیا پر شعر وشاعری شروع کی تو صارفین نے شدید ردعمل کا اظہار کیا جس پر ترجمان الیکشن کمیشن نے ٹویٹ ڈیلیٹ کردی۔
تفصیلات کے مطابق ملک میں انتخابی نتائج پر اٹھنے والی سنگین سوالات اور نتائج میں مبینہ ردوبدل کے معاملے کو حل کیئے اور اپنے باقی تمام چھوڑ کر الیکشن کمیشن نے شعر وشاعری شروع کردی ہے جس پر سوشل میڈیا صارفین نے شدید ردعمل کا اظہار کیا ہے۔
ترجمان الیکشن کمیشن نے نے ہارون شنواری کی ایک نظم شیئر کی جس کا عنوان تھا کہ
"ابھی تو بہت کچھ کرنا ہے۔۔۔
ابھی تو بہت کچھ باقی ہے۔۔۔"
صحافی عامر سعید عباسی نے پوسٹ شیئر کرتے ہوئے کہا کہ الیکشن کمیشن نے شعروشاعری شروع کردی۔
سینئر صحافی ثاقب بشیر نے کہا کہ الیکشن نتائج کو بخوبی نبھانے اور نتائج کے خلاف درخواستوں کو ٹرک کی بتی کے پیچھے لگانے کے بعد الیکشن کمیشن نے شعروشاعری شروع کر دی۔
صحافی شیراز حسن نے کہا کہ ترجمان الیکشن کمیشن نے ردعمل کے بعد ٹویٹ بھی ڈیلیٹ کردی۔
صحافی اکرام احساس نے کہا کہ پورے ملک میں الیکشن کمیشن کی وجہ سے آگ لگی ہوئی ہے اور ترجمان الیکشن کمیشن کی شعروشاعری ہی ختم نہیں ہورہی۔
صحافی احسان رضا کھوکھر نے لکھا کہ الیکشن کمیشن نے انتخابی نتائج کو بخوبی نبھانے کے بعد شعروشاعری شروع کردی۔
شدید ردعمل کے بعد ترجمان الیکشن کمیشن نے یہ شاعری سے بھرپور ٹویٹ ڈیلیٹ کردی تھی تاہم سوشل میڈیا صارفین ٹویٹ ڈیلیٹ ہونے سے پہلے ہی اس کا اسکرین شاٹ لے چکے تھے جو اس وقت سوشل میڈیا پر وائرل ہے۔