اسٹیٹ بنک کا نوٹس بھی کام نہ آیا، انٹربینک میں ڈالر 175روپے سے تجاوز کرگیا
تفصیلات کے مطابق اسٹیٹ بینک کے نوٹس لینے کے باوجود انٹربینک میں ڈالرکی قدرمیں اضافہ ریکارڈ کیا گیا ، انٹر بینک میں ڈالر 57 پیسے مہنگا ہوا، جس کے بعد ڈالر 174.67روپے سے بڑھ کر 175.25 روپے پر پہنچ گیا۔
اوپن مارکیٹ میں بھی آج ڈالر کی قیمت میں اضافہ دیکھا گیا او ڈالر 80 پیسے اضافے کے ساتھ 176 روپے 80 پیسے پر بند ہوا۔
معاشی ماہرین کا کہنا ہے کہ تجارتی خسارہ بڑھنے پر روپیہ دباو کا شکارہے اور درآمدی ادائیگی پر ڈالر کی طلب دیکھی جارہی ہے۔
واضح رہے کہ ڈالرکی قدر میں مسلسل اضافے پر اسٹیٹ بینک آف پاکستان نے ڈالر کی قدرمیں اضافے کا ذمہ دار نجی بینکوں کے عملے کو قرار دیتے ہوئے کہا کہ اسٹیٹ بینک کے پاس اس حوالے سے مصدقہ اطلاعات موجود ہیں۔
ذرائع کے مطابق مخصوص بینکوں کاعملہ درآمد کنندگان، صارفین کو ایڈوانس ڈالر خریدنےکی ترغیب دیتا رہا، غیرفطری خرید وفروخت سے ڈالر ملکی تاریخ کی بلندترین سطح 175 روپے 65 پیسے تک پہنچا۔
گورنراسٹیٹ بینک نے تمام بینکوں کے صدورکوطلب کرلیا، جس پر اُن کی سرزنش بھی کی جائے گی۔ مخصوص بینکوں کاعملہ درآمد کنندگان، صارفین کو ایڈوانس ڈالر خریدنےکی ترغیب دیتا رہا، غیرفطری خرید وفروخت سے ڈالر ملکی تاریخ کی بلندترین سطح 175 روپے 65 پیسے تک پہنچا۔
دوسری جانب آج پاکستان سٹاک ایکسچینج میں تیزی دیکھنے کو آئی، کاروباری دن کے اختتام پر 100 انڈیکس 378 پوائنٹس اضافے کے ساتھ 46 ہزار 489 پر بند ہوا۔
آج 100 انڈیکس میں 0.82فیصد اضافہ دیکھنے میں آیا۔
- Featured Thumbs
- https://www.siasat.pk/data/files/s3/dollar-pkr-psx-111.jpg
Last edited:
