احسن اقبال سمیت موجودہ وفاقی حکومت آئی ایم ایف کے سہارے چلنا چاہ رہی ہے اور آئی ایم ایف سے ملنے والی رقم کو ہی اپنی بقا مان رہی ہے تاہم ماضی میں اس حکومت میں شامل وزرا آئی ایم ایف ڈیل کو وطن فروشی سمیت نجانے کیا کیا کہتے رہے ہیں۔
احسن اقبال نے اب ایک بیان جاری کیا ہے جس میں کہا کہ پی ٹی آئی اور عمران نیازی انا پرستی میں اندھے ہو چکے ہیں اور اب ملک کے مفاد سے کھیل کر ثابت کر رہے ہیں کہ فارن فنڈنگ مفت میں نہیں ملتی۔
آئی ایم ایف ڈیل کے حق میں انہوں نے کہا کہ پاکستان کے عالمی مالیاتی ادارے سے معاہدے کو سبوتاژ کر کے یہ پاکستانی معیشت کو غیر مستحکم کرنا چاہتے ہیں۔ مگر انشااللہ کامیاب نہیں ہونگے پاکستان آگے بڑھے گا۔
ان کے اس ٹوئٹ کے بعد سوشل میڈیا صارفین نے ان کے ماضی کے بیان اور موجودہ مؤقف کو لیکر پوسٹمارٹم کر دیا ہے۔ شفیق زیدی نے کہا کہ جتنے سنہری الفاظ آپ نے عمران خان کی آئی ایم ایف ڈیل پر ادا کئے تھے بہت ہے۔ خاموشی سے سو جائیں اگر میڈیا پر دوبارہ چل گئے تو عزت کہیں کی نہیں رہے گی۔
ایک صارف نے کہا کہ تحریک انصاف کبھی ایسے معاہدوں کی حامی نہیں ہوگی بقول ن لیگی رہنماؤں کے "آئی ایم ایف معاہدہ ملکی خودمختاری کا سودا ہے." ن لیگ کے دور میں پاکستان نہیں صرف شریف خاندان ہی آگے بڑھا ہے. قوم کو چونا نا لگائیں حالات بدل چکے۔
عثمان نے کہا کہ تم لوگ ملک لوٹ کے کھا گئے ہو ۔ ہمیں آئی ایم ایف کی مہنگائی اب مزید نہیں چاہیے
عمر بن معاذ نے اسد عمر کی آئی ایم ایف ڈیل سے متعلق گفتگو شیئر کی جس میں انہوں نے یہ سارا پروپیگنڈا مسترد کر دیا ہے۔
مدثر نے کہا کہ صوبائی خودمختاری مہذب دنیا میں فائدہ دیتی ہے جہاں ایک مہذب معاشرہ اور مہذب قوم رہتی ہو، ہمارے جیسی قوم کو یہ راس نہیں اب وقت ہے 18ویں ترمیم کے بارے میں سنجیدہ طور پر سوچنے کا کیونکہ اس ترمیم نے اب تک کوئی خاطر خواہ فائدہ نہیں دیا البته مستقبل میں ایک بڑی تباہی کی نوید دے رہی
عرفان اجمل نے کہا عزت معاب ارسطو صاحب اس سیلابی کیفیت اور صورتحال کے بعد گورنمنٹ بجٹ عوام پر خرچ کرنے کی بجائے اس کو سنبھال کر رکھے تو لعنت ہے ایسی گورمنٹ پے۔
اسلام الدین نے کہا سیلاب متاثرین اور قبائلی علاقوں کے دہشت گردی سے متاثرہ لوگوں کے لئے فنڈز مانگنا اب جرم بن گیا، خیبر پختونخوا حکومت نے وفاق سے درخواست کی کہ صوبہ سیلاب نے تباہ ہوا انہیں ان کے فنڈز فوری فراہم کریں جس پر ان کے خلاف ملک دشمنی کا فتویٰ لگا دیا گیا۔ قوم کو یہ کیا پیغام دیا جارہا ہے؟
یاد رہے کہ آئی ایم ایف سے ہونے والی اسی ڈیل پر ماضی میں احسن اقبال کہہ چکے ہیں کہ قائداعظم نے ہمیں آزادی دلائی لیکن عمران خان نے ہمیں آئی ایم ایف کے آگے بیچ ڈالا ہے۔ وہ اس حوالے سے سوشل میڈیا پیغام بھی جاری کر چکے ہیں۔
اس پیغام میں ان کا کہنا تھا کہ اے قائد ہم شرمندہ ہیں! جس اسٹیٹ بینک کو آپ نے پاکستان کی مالیاتی خود مختاری کی علامت قرار دیا تھا اسے وطن فروشوں نے ایک ارب ڈالر کے عوض بیچ ڈالا اور آئی ایم ایف کا غلام بنا دیا۔
اس بیان پر بھی صارفین نے کھل کر تنقید کی اور صدیق نے لکھا کہ آئی ایم ایف کے ساتھ ڈیل کرنا تو ملک کی خودمختاری خوددادی پر کمپرومائز کرنا نہیں ہوتا؟
علی رضا نے کہا قائداعظم نے آزادی دی، عمران نیازی نے آئی ایم ایف کا غلام بنادیا، قوم کو سب یاد ہے۔
