ممبئی : مایہ ناز پاکستانی گلوکار و اداکار فرحان سعید نے بالی ووڈ موسیقار سلیم مرچنٹ پر گانے کی موسیقی چرانے کا الزام عائد کر دیا۔ فرحان سعید کے مطابق بھارتی گلوکار نے ان کے گانے کی موسیقی چوری کی۔
سماجی رابطے کی ویب سائٹ ٹوئٹر پر جاری پیغام میں فرحان سعید کا کہنا تھا کہ کسی نے مجھے سلیم مرچنٹ کا گانا 'ہاریا' بھیجا جو بالکل میرے گانے 'روئیاں' کی نقل ہے، مجھے سمجھ نہیں آتا کہ آخر لوگ اتنی بے باکی سے کسی کا کام چوری کرکے خود کو کیسے آرٹسٹ کہتے ہیں۔کرنا ہی ہے تو پوچھ کر کرو اور اگر پوچھنا نہیں ہے تو کم از کم اچھا تو کرو۔
بعدازاں سلیم مرچنٹ نے خود پر لگنے والے الزام کا جواب دیتے ہوئے کہا کہ فرحان میں نے آپ کا گانا سنا، یہ صرف ایک اتفاق ہے کہ میرے گانے ہاریا کا میوزک آپ کے گانے سے مل رہا ہے، ایمانداری سے بات کروں تو میں نے کبھی یہ گانا سنا بھی نہیں، ایسا کئی بار ہوتا ہے کہ موسیقی ملتی جلتی لگتی ہے، سلیمان اور میرا ریکارڈ ہے کہ ہم نے کبھی نقل نہیں کی۔
جس کے بعد فرحان سعید نے اپنی ٹوئٹ میں لکھا کہ اگر آپ کہتے ہیں تو ہوگا، لیکن ایک اور اتفاق یہ ہے کہ ہمارے گیت نگار بھی ایک ہیں۔
اس پر سلیم مرچنٹ نے لکھا کہ آپ ان سے پھر کیوں نہیں پوچھتے؟ اگر مجھے نقل کرنی ہی ہوتی تو میں اپنے کیریئر میں بہت پہلے کرچکا ہوتا، کاش میں اپنا گانا بنانے سے قبل آپ کا گانا سن لیتا، پھر اپنے گانے میں ضرور تبدیلی کرتا تاکہ اس کی کمپوزیشن آپ کے گانے سے الگ لگے، امید ہے آپ سمجھیں گے۔
واضح رہے کہ فرحان سعید کا گانا روئیاں 2014 میں ریلیز ہوا تھا جس کے گیت نگار کمار تھے۔ جبکہ سلیم مرچنٹ کا گانا ہاریا رواں ماہ ہی سامنے آیا ہے۔
فرحان سعید کا بھارتی موسیقار سلیم مرچنٹ پر موسیقی چوری کرنے کا الزام - GNN HD News
ممبئی : مایہ ناز پاکستانی گلوکار و اداکار فرحان سعید نے بالی ووڈ موسیقار سلیم مرچنٹ پر گانے کی موسیقی چرانے کا الزام عائد کر دیا۔ فرحان سعید کے مطابق بھارتی گلوکار نے ان کے گانے کی موسیقی چوری کی۔
gnnhd.tv