huzoor ke babarkat dor ke baad to deene islam sirf aur sirf quraan hi main simat ker reh gayaa aur aaj tak yun hi rahaa hai.
deene islam talwaar se nahin phela warna jin logoon ne sab se pehle deene islam qabool kiya tha un per kis ne tawaar chalayee thi? agar un logoon ne baghair talwaar ke deene islam ko qabool ker liye tha to baaqi logoon per talwaar chalaane ki kia zaroorat pesh ayee?
lihaaza sab aise qisse kahaaniyan ghalat hen jin main deen islam ko phelaane ke liye talwaar ka ziker hai.
agar kisi ne talwaar chalyee to woh khud kuffaar the jo deene islam ke phelaao ko apni apni taaqat se rokna chahte the apne apne iqtadaarun ko bachaane ke liye. issi ke jawaab main huzoor aur aap ke saathiyun ko bhi talwaar uthaana padi.
huzoor ke baad jab logoon ko aisho araam ki zindagi mili deene islam ki wajah se to unhu ne aur baatun main ulajh ker quraan ke asal paighhaam ko hi bhulaa diya. issi liye kingdom of God collapse ho gayaa. magar ab sawaal peda hota hai khudayee nizaam dobaara is duniya main kyun qaaim nahin kiya jaa saka?
is ki wajah sirf ye hai keh jab deene islam per mabni maashra hi khatam ho gayaa to her koi apni apni sochne main lag gayaa aur yun un taaqatoon ko moqa mil gayaa jin ko malukiyati taaqten kehte hen. lihaaza jab woh log iqtadaar main aa gaye to unhune sab se pehla kaam ye kiya keh deene islam ko mazhab main tabdeel ker diya mullah tabqa peda ker ke aur yun deene islam ka asal paighaam hi logoon ke zehnoo se door ker diya.
abhi tak aisa hi ho rahaa tha yahaan tak keh hindostan main sir syed peda huwa jis ne musalmaanu ko quraan ke us paighaam se aik had tak dobaara mutaarif karaaya jis ko musalmaan bhool chuke the. yahee kaam hameed uddin farahi ne aage badhaaya phir iqbal aa gayaa aur phir jinnah aur parwez aaye aur kerte kerte aaj main khud is baat ko logoon ko samjhaane ki koshish ker rahaa hun keh islam deen hai mazhab nahin hai.
ab dekhte hen log kab tak is paighaam per apni apni tehqeeq kerte hen aur is ke asal paighaam ko samajhne ki poori poori koshish kerte hen aur is paighaam ko aage pohnchaate hen. jab log quraan ke asal paighaam ko samajh jaayen ge the inqilaab inevitable hai. For a detailed explanation of things about the quran, deen of islam and pakistan see
HERE,
HERE,
HERE,
HERE and
HERE.