![imran-khan-trp.jpg](https://www.siasat.pk/data/files/s3/imran-khan-trp.jpg)
اینکر و تجزیہ کار منیب فاروق نے عمران خان کو سنگین دھمکی دے دی۔ کہا کہ نیوٹرل کو نیوٹرلائزڈ سمجھنے کی غلطی نہ کیجیئے گا۔
سماجی رابطے کی ویب سائٹ ٹوئٹر پر ایک پیغام میں کہا کہ متعلقہ حلقے نوٹ فرما لیں۔ پاک فوج آئین کے تحت “نیوٹرل” ہے۔ لیکن ریاست اور حکومت کے دفاع کے لئے اسی آئین کے تحت ہر وقت تیار ہے۔ نیوٹرل کو نیوڑرلائزڈ سمجھنے کی غلطی نہ کیجئے گا۔
انہوں نے ایک اور ٹوئٹ میں کہاکہ قانون کے مطابق احتجاج کرنا ہر سیاسی جماعت کا حق ہے۔ لیکن دارالحکومت اور اس کے ساتھ پوری ملک کو مفلوج کرنے کی اجازت نہ پہلے کسی کو دینی چاہئے تھی اور نہ ہی اس کی اجازت اب ہونی چاہئے۔ ملک اور اس کے عوام کسی ایک جماعت یا جتھے کی ملکیت نہیں۔
منیب فاروق کی جانب سے اس طرح کے ذومعنی ٹوئٹس کیے جانے پر سابق وزیراعلیٰ پنجاب کے فوکل پرسن برائے ڈیجیٹل میڈیا اظہر مشوانی نے سوال اٹھایا کہ کیا منیب فاروق عمران خان کو دھمکی دے رہے ہیں؟ انہوں نے ڈی جی آئی ایس پی آر سے وضاحت دینے کا مطالبہ بھی کیا۔
اظہر مشوانی نے اس کے ساتھ ایک تصویر شیئر کی جس میں امریکی فوج کی ڈکشنری کی تعریف شیئر کی جس کے مطابق نیوٹرلائزڈ کا مطلب کسی کوجان سے مارنا ہے۔