پاکستان اور آسٹریلیا کے درمیان پہلے ٹیسٹ میچ کے دوران آسٹریلوی کھلاڑیوں کے ڈانس مووز کی ویڈیوز سوشل میڈیا پر وائرل ہوگئی ہیں۔
سوشل میڈیا پر وائرل ہونے والی ویڈیوز میں دیکھا جاسکتا ہے کہ میچ کےدوران ایک موقع پر ڈیوڈ وارنر باؤنڈری لائن پر فیلڈنگ کررہے تھے کہ شائقین نے انہیں پکارا اور ان کے نام کے نعرے لگانا شروع کردیئے۔
ڈیوڈ وارنر نے شائقین کے پرجوش استقبال کا جواب دیتے ہوئے ٹھمکے لگانا شروع کردیئے جس پر کرکٹ مداحوں اور کمنٹیٹر نے ان کو خوب خیر مقدم کیا۔
ایسی ہی ایک ویڈیو آسٹریلیوی کرکٹر اسٹیو اسمتھ کی بھی وائرل ہوئی جب وہ وکٹوں کے پیچھے اپنے ہاتھوں اور گردن کو مخصوص انداز میں حرکت دیتے اور مخصوص ڈانس مووز کرتے دکھائی دے رہے تھے۔
سوشل میڈیا پر ان ویڈیوز کے وائرل ہونے پر صارفین نے آسٹریلوی کرکٹرز کی جانب سے میچز کو انجوائے کرنے اور ڈانس مووز کرنے کو خوب سراہا اور دلچسپ تبصرے کیے۔
محمد نعمان نامی صارف نے کہا کہ اسٹیو اسمتھ مشہور ٹک ٹاک ٹرینڈ "کچابادام" پر ڈانس کرتے دکھائی دے رہے ہیں۔
عمران صدیقی نے کہا کہ ہم آسٹریلیا میں ڈھائی دن فیلڈنگ کرتے ہیں، یہ تو یہاں ایک دن میں پاگل ہوگئے۔
