سندھ کے بلدیاتی انتخابات کے پہلے مرحلے میں مزدور کی بیٹی نے پیپلزپارٹی کے امیدوار کو شکست دے کر سب کو حیران کردیا ہے۔
تفصیلات کے مطابق سندھ کے بلدیاتی انتخابات میں پاکستان پیپلزپارٹی نے اکثریت حاصل کرلی ہے تاہم اس الیکشن میں ایک حلقہ ایسا بھی تھا جہاں پیپلزپارٹی کے امیدوار کو شکست دے کر مزدور کی بیٹی فتخ یاب ہوگئی ہے۔
خبررساں ادارے کی رپورٹ کے مطابق خاتون نے خیر پور کی یونین کونسل جیلانی سے آزاد خاتون امیدوار پروین شیخ نے پاکستان پیپلزپارٹی کے امیدوار کو ہرایا ،غریب گھرانے سے تعلق رکھنے والی خاتون 6 بچوں کی ماں اور ان کے والد گدھا گاڑی چلاتے تھے اور آج کل بازار میں بچوں کے کھانے پینے کی اشیاء فروخت کرتے ہیں، پروین کے شوہر وفاقی ادارے میں نچلی سطح کے ملازم ہیں۔
ایک انٹرویو میں پروین شیخ نے کہا کہ جب غریبوں کی حالت دیکھتی ہوں تو مجھے بہت دکھ ہوتا ہے، میں سوچتی ہوں کہ کیسے ان غریبوں کی مدد کی جائے، ان کی مدد کیلئے سیاست ہی ایک راستہ ہے جو میں نے نکالا ہے۔