برازیل سے امپورٹ کیے گئے اعلیٰ نسل کے مویشی پاکستان پہنچ گئے ہیں، یہ مویشی خصوصی سرمایہ کاری سہولت کونسل کے تحت درآمد کیے گئے۔
تفصیلات کے مطابق کارگو طیارہ بوئنگ 747 برازیل سے اعلیٰ نسل کے مویشیوں کی پہلی کھیپ لے کر سیالکوٹ انٹرنیشنل ایئر پورٹ پر پہنچ گیا ہے۔
خصوصی سرمایہ کاری سہولت کونسل (ایس آئی ایف سی) کے تحت گرین پاکستان لائیو اسٹاک انیشیٹیو(جی پی ایل آئی) کو بہتر بنانے میں موثر کردار ادا کرنے کیلئے درآمد کیے جانے والے مویشی برازیل کے شہر ساؤپاؤلو سے انگولا اور عمان سے ہوتے ہوئے پاکستان پہنچ ہیں۔
ساڑھے 22 گھنٹے پر محیط اس پرواز نے9ہزار 44 میل کا سفر طے کیا، مویشیوں کی ترسیل کی یہ طویل پرواز تاریخ کی لمبی ترین پرواز بن گئی ہے، یہ پرواز گزشتہ طویل ترین پرواز سے 300 میل زیادہ ہے۔