تھرڈ ایمپائر کی انگلی نہ اٹھنے اور دیگر پلانز کے رزلٹ نے کم از کم خان جیسے جہاندیدہ شخص کو حقیقت کا ادراک تو ہو گیا تھا مگر ان کی انا انہیں زمینی حقائق تسلیم کرنے سے منع کر رہی تھی اور پھر شیخ رشید جیسے لوگ جو بدقسمتی سے کپتان کا سایہ بن گئے تھے انہیں مسلسل اکسا رہے تھے چنانچہ دھرنا ختم کرنے کے لئے بدقسمتی سے پشاور سکول کے دردناک سانحے کو سبب بننا پڑا۔اور پھر خان صاحب کی شادی ان میں اور مثبت تبدیلی کا باعث بنی اور سول نا فرمانی کی کال کو واپس لیتے ہوئے بجلی کے بل جمع کروا دئے گئے ۔ ریحام خان جیسی پڑھی لکھی اور سیاست پر نظر رکھنے والی شریک حیات کے سبب امید ہے رنڈووں جیسی تمام حرکات سے خان صاحب نجات حاصل کر لیں گے ۔اب ہم ان سے تعمیری سیاست کی امید رکھ سکتے ہیں ۔
رہے ان کے فالوور تو ہاتھی کے پائوں میں سب کا پائوں کے مصداق آج اگر خان صاحب جیو کی تعریف کر دیں تو سبھی جیو کے قصیدے پڑھنے لگیں گے ۔ ان کی دانش کی پرواز کی انتہا عمران سے آگے نہیں۔بے چارے کچھ بچے ہیں، اور کچھ بہت سادہ لوح۔ ایسے لوگ جو دل سے کہتے ہیں ،جب پیار کیا تو پیار کیا، جب نفرت کی تو نفرت کی ۔ پی بی اے کیا ہے اس سے انہیں کوئی غرض نہیں۔ فی الحال تو انہیں جیو پر الزامات لگانے اور برا بھلا کہنا ہے کیونکہ ابھی عمران خان نے اسے اچھا نہیں کہا ۔
