ایک مارننگ شو میں بیگم بلقیس ایدھی سے سوال کیا گیا کہ اپنی زندگی کا کوئی دلچسپ واقعہ سنایٸں۔
بلقیس ایدھی نے ہنستے ہوئے بتایا کہ ایک بار وہ اور ایدھی صاحب ایک پرائیویٹ کار میں ایک شادی اٹینڈ کرنے سکھر جا رہے تھے_ رات کا وقت تھا اندرون سندھ سے گزرتے ہوئے ایک مقام پر کچھ ڈاکو راستے میں آ گٸے اور ہماری گاڑی روڈ سے اتار کر کچے میں لے گئے وہاں پہلے سے کچھ گاڑیاں کھڑی تھیں اور ڈاکو لوٹ مار میں مصروف تھے ۔
تھوڑی دیر میں ایک ڈاکو ہماری طرف آیا اور ڈرائیور اور ایدھی صاحب کو باہر نکلنے کو کہا ان دونوں کی تلاشی لی اور جیب خالی کرا لی
اچانک اس ڈاکو کی نظر ایدھی صاحب پر پڑی اور غور سے ان کو دیکھنے کے بعد جلدی سے ایک جانب کھڑی جیپ کی طرف گیا اور ایک دوسرے شخص کے ساتھ فوراً واپس آیا
اس شخص نے ٹارچ کی روشنی ایدھی صاحب کے چہرے پر ڈالی اور پوچھا ”آپ عبدالستار ایدھی ہیں؟“ جواب ہاں میں ملا تو وہ ڈاکو کا سردار ایک دم پریشان ہو گیا۔
فوری حکم ہوا کے تمام گاڑیاں جن سے لوٹ مار کی گئی ہے ان کو مال واپس کیا جاۓ اور باقاعدہ طور پر وہ شخص ایدھی صاحب کے ہاتھ چوم کر معافی مانگنے لگا۔
مذید حیرت ناک بات یہ ہوئی کے ہمیں رخصت کرتے ہوٸے 20 لاکھ روپے بطور چندہ ایدھی صاحب کے حوالے کیا۔ ایدھی صاحب کے انکار پر بولا، ”سر جب میرے جیسے گنہگار پولیس مقابلے میں مارے جاتے ہیں تو ہمارا کوئی رشتے دار ہماری لاش تک نہیں وصول کرتا اس وقت ایدھی ہی ہماری لاش کو کفناتا اور دفناتا ہے ۔۔۔ *ایک زمانہ تھا ڈاکو بھی اعلیٰ ظرف ہوا کرتے تھے*
اب تو یہ وقت آ گیا ہے کہ کل ایک ڈکیت نے ایدھی صاحب کے بیٹے سے ایک کروڑ کی ڈکیتی مار لی اور بدبخت نے اس کو پہچانا بھی نہیں ۔
*واقعی زمانہ بہت بدل گیا ہے*
???
