الیکشن کمیشن اور باقی اداروں کو شرم آنی چاہیے کہ ایسے لوگوں کو مسلط کر رہے ہیں!: سوشل میڈیا صارف
متحدہ قومی موومنٹ پاکستان کے سینئر ڈپٹی کنوینر مصطفیٰ کمال نے اپنی آڈیو لیک سماجی رابطوں کی ویب سائٹس پر گردش کرنے والی اپنی آڈیو لیک کا اعتراف کر لیا۔ مصطفی کمال نے آڈیولیک کے حوالے سے وضاحتی پیغام جاری جارتی کرتے ہوئے کہا کہ: سب سے پہلے میں یہ اعتراف کرتا ہوں کہ یہ آڈیو میری ہی ہے! آڈیولیک میں میں مسلم لیگ ن سے ہونے والے مذاکرات بارے رابطہ کمیٹی کو آگاہ کر رہا ہوں کہ وہاں پر کیا باتیں ہوئیں؟
مصطفی کمال نے کہا کہ پاکستان پیپلزپارٹی ہمارے مینڈیٹ کو جعلی کہتی ہے جبکہ یہی کچھ وہ ٹی وی پر بھی کہتی ہے، پیپلزپارٹی نے مسلم لیگ ن کو کہا کہ نمبرز پورے ہیں، ایم کیو ایم کی ضرورت نہیں ہے۔ آڈیولیک میں ہونے والی باتیں خبر نہیں، خبر یہ ہے کہ ہماری رابطہ کمیٹی میں ایم کیو ایم لندن کے لوگ موجود ہیں، ہمیں گھس بیٹھیے کا پتا چل گیا ہے، یہ آڈیو ایم کیو ایم لندن کی طرف سے آج صبح ریلیز کی گئی۔
مصطفی کمال کا وضاحتی پیغام بھی سوشل میڈیا پر وائرل ہو گیا جس پر صارفین کی طرف سے ردعمل کا اظہار کیا جا رہا ہے۔تحریک انصاف کے رہنما ڈاکٹر ارسلان خالد نے مصطفی کمال کی ویڈیو پر ردعمل میں لکھا: تو مصطفیٰ کمال نے آڈیو کے حقیقی ہونے کا اعتراف کر لیا ہے اور اس بات کی تصدیق کی ہے کہ پیپلزپارٹی سمجھتی ہے کہ پی ایم ایل (ن) نے دھاندلی کرکے 50 فیصد زیادہ سیٹیں حاصل کی ہیں اور ایم کیو ایم کی 100 فیصد سیٹیں دھاندلی زدہ ہیں تو یہ تمام جماعتیں بھی جانتی ہیں کہ وہ پی ٹی آئی کا مینڈیٹ چرا رہی ہیں!
جہانزیب شیخ نے ردعمل میں لکھا:بےعزتی تو ان کی ہوتی ہے جن کی کوئی عزت ہو، جو لوگ 100 فیصد جعلی چوری کا مینڈیٹ بھیک میں لے آئے ہوں ان کے ساتھ تو اس سے بھی زیادہ ہونا چاہیے!
ایک صارف نے طنزیہ انداز میں لکھا: جلد ان کے بارے میں بھی کہا جائے گا کہ ان ذہنی توازن بھِی درست نہیں۔۔۔
عائشہ محمود نے لکھا:ان کا منڈیٹ جعلی ہے، ان کا منڈیٹ جعلی ہے تو پھر اصلی کس کا ہے؟ جو شروع سے چیخ رہے ہیں ان کا؟
نعیم خان لونی نے لکھا: آڈیو میں اہم بات یہ ہے کہ حکومتی اتحاد والے بھی مان رہے ہیں کہ ایم کیو ایم کے پاس جعلی مینڈیٹ ہے! پاکستان پیپلزپارٹی اور ن لیگ کے پاس 60 فیصد جعلی مینڈیٹ ہے، یعنی پاکستان تحریک انصاف کا مینڈیٹ چرایا گیا ہے۔ الیکشن کمیشن اور باقی اداروں کو شرم آنی چاہیے کہ ایسے لوگوں کو مسلط کر رہے ہیں!
بلال جٹ نے لکھا: ملک میں آئندہ آنے والی حکومت بھی جانتی ہے کہ ایم کیو ایم کا مینڈیٹ 100 فیصد جعلی ہے، اصل میں صفر نشستوں والے کے پاس اب 17 نشستیں ہیں، مضحکہ خیز!
واضح رہے کہ آج صبح مصطفی کمال کی آڈیو لیک ہوئی تھی جس میں وہ کہہ رہے ہیں کہ مسلم لیگ ن کے ساتھ مذاکرات کے دوران ہمیں کہا گیا کہ پیپلزپارٹی سے پھر مذاکرات ہونے ہیں۔
ن لیگ کے دوستوں نے بتایا کہ پیپلزپارٹی نے کہا کہ ہمارے نمبرز پورے ہیں، ایم کیو ایم کی ضرورت نہیں ہےاور ان کا مینڈیٹ بھی 100 فیصد جعلی ہے۔
- Featured Thumbs
- https://www.siasat.pk/data/files/s3/9kamalaudoowazahat.png
