ٹیسٹی یوکے کے نام سے ایک آن لائن پلیٹ فارم پر دنیا بھر سے مختلف انواع و اقسام کے مزیدار کھانوں اور پکوانوں کی ترکیب اور بنانے کا طریقہ بتایا جاتا ہے جسے برطانیہ میں لوگ بڑے شوق سے دیکھتے اور بناتے ہیں۔ اس نے حال ہی میں قورمے کی ریسپی شیئر کی جو کہ روایتی قورمے سے بالکل مختلف اور برعکس تھی۔
شیئر کی گئی ویڈیو میں دکھایا گیا کہ مرغی کے گوشت کے ساتھ ٹماٹر، چاول اور دیگر ایسے اجزا ڈالے گئے جو کہ عام طور پر قورمے کا حصہ نہیں ہوتے۔
اس پر سوشل میڈیا پر ایک طوفان کھڑا ہو گیا جس میں برصغیر بالخصوص پاکستان اور بھارت سے تعلق رکھنے والے گوشت خور میدان میں آ گئے اور کہا کہ یہ تو قورمے کی توہین کے مترادف ہے۔ دیکھو تو بھلا ایسے کون قورمہ بناتا ہے۔
حسن عبداللہ نے اصل روایتی قورمے کی تصویر شیئر کی اور لکھا کہ ہاں جو تم نے بنایا وہ قورمہ اور یہ تو مچھلی اور چپس ہے نا؟
محمد تقی نے کہا قورمے میں ٹماٹر؟ ٹنرگ میں جلیں گے ایسے لوگ، ان کی آتما کو مکتی اور شانتی نہیں ملے گی۔
سندھیا نامی صارف نے کہا کہ معذرت کے ساتھ مگر آپ لوگ واقعی نہیں جانتے کہ قورمہ کیسے بنایا جاتا ہے۔
نادیہ نور نے کہا کہ یقین نہیں آتا کہ ان لوگوں نے برصغیر پر 200 سال حکمرانی کی ہے انہیں تو یہ بھی نہیں پتہ کہ ہمارے کھانے کیسے بنتے ہیں۔
ایک صارف نے کہا کہ یہ تو ہم پر ہونے والی حکمرانی سے بھی برا ہے۔
ایوشی نائیک نے کہا کہ یہ گورے لوگوں کی ایک نئی چال ہے وہ ہماری آزادی کے بعد بھی ہمیں نشانہ بنا رہے ہیں
