بھارتی میڈیا کے مطابق چیف آف ڈیفنس اسٹاف جنرل بپن لکشمن سنگھ راوت نے ہیلی کاپٹر تباہ ہونے کے بعد زخمی حالت میں عینی شاہد شیو کمار سے بات کی۔
تفصیلات کے مطابق گزشتہ روز بھارتی ریاست تامل ناڈو میں پیش آنے والے ہیلی کاپٹر حادثے کے ایک عینی شاہد شیو کمار کا دعویٰ ہے کہ اس نے بھارتی جنرل بپن راوت کو پہاڑیوں سے ملبہ ملنے کے بعد زندہ دیکھا۔
عینی شاہد نے بتایا کہ وہ اپنے بھائی سے ملنے جارہا تھا کہ اُسی دوران ہیلی کاپٹر گِر کر تباہ ہوا۔
اس نے ایئر فورس کے ہیلی کاپٹر کو آگ کے شعلوں میں گھرے دیکھا جس کے بعد وہ اور دیگر افراد جائے وقوعہ پر پہنچ گئے۔ شیو کمار نے بتایا کہ ہم نے تین لاشیں گرتے ہوئے دیکھی جبکہ ایک آدمی زندہ تھا اور اس نے ہم سے پانی مانگا تھا۔
عینی شاہد نے کہا کہ ہم نے چادر کی مدد سے اُس شخص کو ملبے سے باہر نکالا جس پر اُس نے ہم سے پانی مانگا۔ اس نے تصدیق کی کہ جس آدمی سے اس نے بات کی تھی وہ جنرل بپن راوت ہی تھے۔ اس شخص کے مطابق جب اس نے یہ حادثہ دیکھا تو اس رات وہ سو نہیں سکا۔
- Featured Thumbs
- https://www.siasat.pk/data/files/s3/bipin-rawat--1-11.jpg
