بھارتی کانگریس لیڈر راہو گاندھی نریندر مودی کی حکومت سے متعلق سوال پوچھنے پر صحافی پر برس پڑے، کہا کہ آپ نے بی جے پی کیلئے کام کرنا ہے تو اپنے سینے پر ان کا جھنڈا لگائیں۔
بھارتی میڈیا رپورٹس کے مطابق راہول گاندھی سے ایک پریس کانفرنس کےدوران صحافی نے نریندر مودی سے متعلق ریمارکس پاس کیے جانے سے متعلق سوال پوچھا جس پر راہو ل گاندھی سیخ پا ہوگئے اور انہوں نے صحافی کو کھری کھری سنادیں۔
راہول گاندھی نے کہا کہ پہلے آپ نے اس طرف سے کوشش کی، پھردرمیان سے کوشش کی اور اب اس طرف سے آپ کوشش کررہے ہیں، آپ تو براہ راست حکمران جماعت بھارتی جنتا پارٹی( بی جے پی) کیلئے کام کررہے ہیں۔
انہوں نے مزید کہا کہ آپ نے کرنا ہی ایسا ہے تو تھوڑا گھوم کر سوال کریں، کچھ خیال رکھ کر بی جے پی کیلئے کام کرنا ہے تو تھوڑا گھوم گھام کر کریں، اس جواب پر صحافی مسکرا دیا جس پر راہول گاندھی بولے کہ دیکھیں سب لوگ یہ مسکرا بھی رہے ہیں، آپ نے اگر بی جے پی کیلئے کام کرنا ہے تو ان کا ایک جھنڈا لائیں اور اسے اپنے سینے پر سجا لیں۔
راہو ل گاندھی نے کہا کہ پھر آپ ایک صحافی بننے کی کوشش نہیں کریں گے تو میں آپ کو بالکل ویسے ہی جواب دوں گا جیسے میں بی جے پی کے لوگوں کو دیا کرتا ہوں۔
راہول گاندھی نے تھوڑی ڈیر بعد سوال پوچھنے والے صحافی کی جانب بغور دیکھتے ہوئے طنزیہ انداز اپناتے ہوئے کہاکہ" دیکھیں ہوا نکل گئی ہےان کی"۔
خیال رہے کہ راہول گاندھی نے بھارتی وزیراعظم اور بی جے پی کے رہنما نریندر مودی پر تنقید کرتے ہوئے کہا تھا کہ مودی نام کے لوگ کرپٹ ہوتے ہیں، ان کے اس بیان پر ان کی پارلیمنٹ کی رکنیت سے نااہل کردیا تھا۔
