نوجوان کھلاڑی نے وزیراعظم شہباز شریف سے ہاتھ نہیں ملایا یا گھبراہٹ کا شکار رہا، ویڈیو سوشل میڈیا پر وائرل ہوگئی، جس پر صارفین میں بحث جاری ہے،کوئی کھلاڑی پر تنقید کررہا ہے تو کوئی کہہ رہا ہے کھلاڑی نروس تھا اس لیے ٹھیک سے ہاتھ نہیں ملاسکا، بس اسی پر تبصرے جاری ہیں۔
سابق جج شوکت عزیز صدیقی نے ٹوئٹر پر لکھا ايک کھلاڑی کا يہ تکبر کہ وہ جس مُلک کی نمائيندگی کا خواہاں ہے اُس کے وزيراعظم کے ساتھ ايسا گھٹيا رويہ ناقابلِ برداشت ہے، اس کو ٹيم سے فوری فارغ کريں اُس نے اپنے طرزِ عمل سے اپنے حسب نسب کا بتا ديا ہے اور پاکستان کی رُسوائی کا سبب بنا ہے۔
پی پی رہنما فتح اللہ بابر نے لکھا یہ کوئی شرمندگی کی بات نہیں ہے، یہ کھیلوں کے جذبے کی توہین ہے، یہ کوچز کے لیے شرمندگی ہے، نوجوان کھلاڑی کو تربیت دینا اسپورٹس اکیڈمی کے لیے شرمندگی کا باعث ہے۔
صحافی وسیم عباسی کے مطابق وزیراعظم آفس کے مطابق کھلاڑی نروس تھا،پی ایم آفس کے مطابق، یہ گزشتہ ہفتے کی ویڈیو ہے اور لڑکا قدرے نروس تھا لیکن آخر میں اس نے ہاتھ ملایا اور اس وقت کسی نے اسے ایک واقعہ کے طور پر نہیں دیکھا۔ "اب سوشل میڈیا اسے سیاق و سباق سے ہٹ کر لے جا رہا ہے،" ایک اہلکار کا کہنا ہے۔
جہانزیب نے لکھا کٹھ پتلی وزراعظم کے لیے سراسر شرمندگی،اس لڑکے کو سلام جو کٹھ پتلی سے مصافحہ کرتے ہوئے اپنی ناراضگی درج کرنے کی ہمت رکھتا تھا، دیگر صارفین کی جانب سے بھی اپنے خیالات کا اظہار کیا جارہا ہے۔
- Featured Thumbs
- https://www.siasat.pk/data/files/s3/shehbaz-sharif-sports-pl.jpg
