ایک اس بات میں کوئی شک نہیں کہ وزیر خارجہ کا دورہ چین ، آرمی چیف کے ناکام دورہ سعودیہ کی وجہ سے تھا . مشن بھیک منگو کے تحت وزیر خارجہ نے ہنگامی طور پر چین کا دورہ کیا تاکہ سعودیہ کا قرض چکایا جا سکے . مشن بھیک کی کامیابی یا ناکامی کا پتا آنے والے وقت میں چل جائے گا . لیکن ایسا لگتا نہیں کہ چین پاکستان اور سعودیہ کے در میان تنازع میں کوئی فریق بنے گا . چین شروع دن سے ہی اپنے کاروبار کے لیے زیادہ حساس ہے . گزشتہ سات سال سے گوادر پورٹ چین کے پاس ہے اور کم و بیش سات سال سے سی پیک کا پر اجیکٹ چل رہا ہے . اتنا عرصہ گزر جانے کے باوجود گوادر پورٹ اس قدر فعال نہیں ہو سکا جتنا کہ لوگ آس لگا کر بیٹھے تھے . جس کی بڑی وجہ گوادر سے چین تک ٹرین چلانے کے منصوبے میں تاخیر ہے . موجودہ روٹ سے یہ ہی پتا چلتا ہے کہ یہ روٹ بھی دکھاوے کے طور پر بن رہا ہے یہ روٹ گوادر سے ڈائریکٹ چین تک نہیں بلکہ کراچی لاہور سے ہوتا ہوا چین تک ہے . ان تمام باتوں کا مطلب یہ ہی ہے چین گوادر سے تجارت میں سیر یس نہیں ہے اور وہ پہلے دن سے نہیں تھا . اگر وہ نقشے اور مفروضے سچ ہوتے جن کے مطابق گوادر چین کو نزدیک پڑتا ہے تو اب تک ریلوے ٹریک بن چکا ہوتا . اس کی بڑی وجہ چین کے پاس متبادل روٹ جو موجود ہے . چین سے یورپ تجارت کی ٹرین جو سنکیانگ صوبے اور وسط ایشیا سے گزرتی ہے . اب نئی ڈو لپمنٹ یہ ہے کہ چین ایران کے رستے اس روٹ سے کنکٹ کرنا چاہتا ہے . یوں وسط ایشیائی ممالک اور ایران کو پاکستان کے متبادل بہتر تجارتی راہداری حاصل ہو گی اور اس رستے سے چین کی افریقہ و عرب سے تجارت ہو گی . اس مقصد کے لیے چین نے ایران میں چار سو ارب ڈالر کی سرمایہ کاری کا اعلان کیا ہے . ایسی صورتحال میں پاکستان مکمل طور پر آئسو لیٹ ہو جائے گا اور سی پیک صرف افسانوں میں باقی رہ جائے گا . پہلے بھی یہ ایک ڈرامہ ہی تھا بارہ ارب ڈالر میں بنی سڑکیں عوام کے گلے میں قرضے کا پھندہ اور خودداری کا سودا جس میں سیاسی جماعتوں اور سیکورٹی اداروں کا کمشن تھا . پاکستان کی بد حالی کی بڑی وجہ بے یقینی کی کیفیت ہے سول اور ملٹری کے درمیان اختیارات کی رسہ کشی کی وجہ سے ہے . یہ رسہ کشی کوئی بھی رنگ اختیار کر سکتی ہے اس لیے دنیا پاکستان پر اعتبار کرنے کو تیار نہیں . ایک طرف سیکورٹی اسٹبلشمنٹ اور حکومت کے درمیان محاذ کھلا ہوتا ہے تو دوسری طرف سیکورٹی ادارے کے اندر محاذ آرائی ہو رہی ہوتی ہے . آئے روز افغان بارڈر پر جھڑپیں ہوتی ہیں اور بارڈر بند کر دیئے جاتے ہیں . اس ساری غیر یقینی کی صورتحال کا نتیجہ ایسی باتوں میں نکلتا ہے جب دوست ملک روٹ بدل لیتے ہیں .
www.thenews.com.pk
