ملتان ٹیسٹ کے چوتھے روز پاکستانی بیٹر سعود شکیل کو تھرڈ امپائر کی جانب سے آؤٹ قرار دیے جانے کے فیصلے پر سوالات اٹھ گئے۔ کھانے کے وقفے سے پہلے آخری اوور میں سعود شکیل 94 رنز پر بیٹنگ کر رہے تھے کہ مارک ووڈ کی ایک گیند سعود شکیل کے بیٹ کو چھوتی ہوئی وکٹوں کے پیچھے گئی جسے اولی پوپ نے ڈائیو لگاتے ہوئے کیچ کر لیا۔
انگلش بولر، وکٹ کیپر اور دیگر کھلاڑیوں کی جانب سے کیچ آؤٹ کی اپیل کی گئی تاہم امپائر علیم ڈار نے فیصلہ تھرڈ امپائر پر چھوڑ دیا۔ تھرڈ امپائر نے کئی بار ویڈیو کو غور سے دیکھنے کے بعد سعود شکیل کو آؤٹ قرار دیا۔
سعود شکیل کو آؤٹ قرار دیے جانے کے فوری بعد سوشل میڈیا پر اسے متنازع کیچ قرار دیکر کہا گیا کہ شک کا فائدہ بیٹر کو جانا چاہیے تھا۔ جبکہ معروف کرکٹ ویب سائٹ کرک انفو کی جانب سے سوال پوچھا گیا کہ کیا اولی پوپ نے کلین کیچ لیا؟
صحافی فیضان لاکھانی نے کیپشن میں دیکھنے والی آنکھیں بنائیں
مشہور کرکٹ فرنچائز اسلام آباد یونائیٹڈ نے کہا کہ آپ اس کیچ پر کیا کہتے ہیں؟
کرکٹر کامران اکمل نے کہا ان کے لیے یہ ہلا دینے والا آؤٹ تھا۔
کرکٹ پاکستان نے کہا کہ جول ولسن کے اس فیصلے نے ان کی کریڈیبیلٹی پر سوال اٹھا دیئے ہیں۔
مائیکل ووگن نے کہا کہ مجھے تو لگتا ہے کہ میں نے گیند کو گراؤنڈ چھوتے ہوئے دیکھا ہے۔
- Featured Thumbs
- https://www.siasat.pk/data/files/s3/saudahs.jpg
