گزشتہ روز تحریک انصاف کی رہنما کنول شوذب کا ایک کلپ وائرل ہوا تھا جس میں انہوں نے علیمہ خان پر تنقید کی
علیمہ خان پر تنقید کرتے ہوئے انہوں نے کہا کہ پی ٹی آئی ہماری فیملی ہے، بہت افسوس ہوا جب علیمہ خان نے کہا کہ کون گوہر؟ اگر آپ کی تنظیم کے عہدوں کی عزت نہیں ہو گی تو کون کرے گا؟
انہوں نے مزید کہا کہ بیرسٹر گوہر کو منشی کہتے ہیں، میں تو علیمہ خان سے لڑوں گی، یا تو آپ اناؤنس کریں کہ سیاست میں آ گئی ہیں، آپ خان صاحب کی فیملی ہیں تو پارٹی کو برباد مت کریں، کنول شوزب نے علیمہ خان کے خلاف میدان میں
بعد ازاں کنول شوذب پر پی ٹی آئی حلقوں کی جانب سے تنقید ہوئی تو کنول شوذب کو وضاحت دینا پڑی اور اپنا کلپ سیاق وسباق سے ہٹ کر قرار دیدیا
ان کا کہناتھا کہ یہ وومن ونگ کی انٹرنل میٹنگ سے ریکارڈ کیا گیا سیاق و سباق سے ہٹ کر کلپ ہے جسے جان بوجھ کر اس وقت لیک کیا گیاہے۔ علیمہ آپا ہماری بڑی ہیں اور کسی بات پر اگر ہمیں اختلاف ہو تو ہم ان سے اپنا اظہار کھل کر کرتے ہیں ہم جمہوریت کی جنگ لڑ رہے ہیں ڈکٹیٹرشپ کی نہیں
کلپ شئیر کرنیوالے کو مخاطب کرتے ہوئے کنول شوذب نے کہا کہ آپکو گالیاں دینے کی آزادی ہے تو ہمیں اپنی جائز بات کہنے کی پوری آزادی ہے پارٹی میں
انہوں نے مزید کہا کہ اختلاف خان صاحب سے بھی ہو تو ان سے کھل کر اظہار کرتے ہیں اور وہ اس کو تحمل سے سنتے ہیں اور اسکا تدارک کرتےںہیں۔ اگر علیمہ آپا کی بات کو اٹھا کر غلط کوٹ کرکے کوئ بھی ایرے غیرے پارٹی کے عہدیداران کو گالیاں دیں گے تو ہمارا حق ہے کہ ہم آپس میں گلہ کریں کہ ایسا موقع کسی کو نہ دیں۔
کنول شوذب کا کہنا تھا کہ پی ٹی آئ کو ہم نے خون سے سینچا ہےاور اسکا دفاع اسکا ڈسپلن چلانا ہمارے لیڈر کا حکم ہے۔ جس پر پارٹی عہدیدار عمل کررہے ہیں کرتے رہیں گے۔ لہزا اس پر گالی گلوچ کرکے اور غداری کے فتویٰ دے کر ٹائم ضائع کرنے کی بجائے خان صاحب کی رہائ کے لئے مہم چلائیں شاباش مزید ٹوئیٹ کریں ۔
Last edited by a moderator:
