متحدہ عرب امارات میں آئرلینڈ اور جنوبی افریقہ کے درمیان ایک میچ کے دوران جنوبی افریقی بیٹنگ کوچ خود فیلڈنگ کیلئے میدان میں آگئے۔
تفصیلات کے مطابق آئرلینڈ اور جنوبی افریقہ کے درمیان ہونے والی تین ون ڈے میچز کے تیسرے اور آخری میچ میں سخت گرمی اور کھلاڑیوں کی عدم دستیابی کے باعث جنوبی افریقی بیٹنگ کوچ ڈومنی فیلڈنگ کیلئے میدان میں آگئے۔
بیٹنگ کوچ اس وقت میدان میں فیلڈنگ کیلئے آئے جب افریقی ٹیم کے کپتان ٹیمبا باوما گراؤنڈ میں موجود نہیں تھے، بیٹنگ کوچ نے فیلڈنگ کے فرائض سنبھالے تو شائقین کرکٹ چونک گئے۔
افریقی ٹیم کے متعدد کھلاڑی انجریز کا شکار ہیں اور کپتان باوما کی جگہ ریزا ہینڈرکس کو پلیئنگ الیون کا حصہ بنایا گیا، جبکہ ٹیم کی کپتانی ریسی وین ڈیرڈوسن نے سنبھالی۔
افریقی بیٹنگ کوچ ڈومنی 2019 میں انٹرنیشنل کرکٹ سے ریٹائر ہوئے تھے، شیخ زید کرکٹ اسٹیڈیم میں کھیلے جانے والے اس میچ کے آخری اوورز میں ان کی فیلڈنگ اور ڈائیو کرکے گیند پکڑنے کی ویڈیوز سوشل میڈیا پر وائرل ہوگئی ہیں اور سوشل میڈیا صارفین ان کی فٹنس اور بہترین فیلڈنگ پر انہیں داد دی۔
- Featured Thumbs
- https://www.siasat.pk/data/files/s3/11jpduminys.png
