کرسمس کے موقع پرلائیو فون کالز سننے والے جو بائیڈن کے ساتھ پرینک

غیر ملکی میڈیا کے مطابق امریکی صدر جو بائیڈن نے کرسمس کے تہوار پر امریکی شہریوں کی لائیو فون کالز لے کر ان سے بات چیت کی، اسی دوران انہیں ایک ایسے شخص کا فون آیا جس نے گفتگو کے اختتام پر طنزیہ جملہ کہا جس پر امریکی صدر نے سوچے سمجھے بغیر ہی آمادگی کا اظہار کر دیا۔

تفصیلات کے مطابق امریکی صدر کو فون کال کرنے والے اس شخص نے تعارف کرایا کہ وہ 2بچوں کا باپ ہے اپنی بات چیت کے اختتام پر اس نے کہا "Let’s go, Brandon"۔ یہ جملہ امریکی زبان میں سلینگ کے طور پر استعمال ہوتا ہے جس کا مطلب ہے جو بائیڈن دفع ہو جاؤ۔

"Let’s go, Brandon" کا یہ فقرہ قدامت پسندوں یعنی سابق امریکی صدر ڈونلڈ ٹرمپ کے حامیوں کا سیاسی نعرہ ہے جو موجودہ امریکی صدر کے خلاف استعمال ہوتا ہے جسے کال کرنے والے امریکی نے گفتگو کے اختتام پر اس طرح استعمال کیا کہ ’ہاں، مجھے امید ہے کہ آپ لوگوں کی بھی کرسمس بہت اچھی گزرے گی، Let’s go, Brandon

فون کال کرنے والے اس امریکی کا نام جیرڈ تھا جس نے یہ پرینک اپنے ملک کے صدر کے ساتھ کیا جسے امریکی صدر فوری طور پر سمجھ نہیں سکے اور کہا کہ "میں متفق ہوں"۔