پاکستانی ٹی وی انڈسٹری کے معروف اداکار منیب بٹ نے کراچی جلسے کی تصاویر و ویڈیوز شیئر کرنے پر اینکر پرسن غریدہ فاروقی سے کہا کہ بی بی اتنی وفاداری نہ نبھائیں، اور کیا چینل بھی نام کروانا ہے آپ نے؟
نجی ٹی وی سے منسلک خاتون اینکر غریدہ فاروقی نے کراچی جلسے کی وہ ویڈیوز اور تصاویر شیئر کیں جس میں تحریک انصاف کے جلسے میں دعوؤں کے برعکس کم لوگ دکھائے گئے ہیں، ان کی جانب سے شیئر کی گئی تصاویر میں باغ جناغ میں 16 اپریل کو ہونے والے تحریک انصاف کے جلسے کی ڈرون فوٹیج اور تصاویر ہیں۔
ان تصاویر اور فوٹیج کے ساتھ غریدہ فاروقی نے سماجی رابطے کی ویب سائٹ ٹوئٹر پر لکھا ہے کہ خود دیکھ لیجیئے، باغ جناح مکمل خالی، سٹیج کے اردگرد زیادہ مجمع موجود، 2 کروڑ سے زائد کے شہر میں ہونے والے جلسے میں 20 سے 25 ہزار لوگ شریک ہیں۔
اس ٹوئٹ پر اداکار منیب بٹ نے طنز کرتے ہوئے کہا کہ بی بی اتنی وفاداری نہ نبھائیں اب اور کیا چینل بھی نام کروانا ہے آپ نے؟
- Featured Thumbs
- https://www.siasat.pk/data/files/s3/15muneebbuttgharidafaroi.jpg
