کراچی سے تعلق رکھنے والے 70 سالہ لوہار نسیم الدین نے اپنے ہاتھ کا کمال دکھا کے دنیا کو دنگ کر دیا۔ انہوں نے ایک منٹ میں ایک ہاتھ کے ساتھ 18 سیب توڑ ڈالے۔
نسیم الدین نے ایک ہاتھ کی مٹھی سے سیب توڑنے کے مقابلے میں انگلینڈ کو شکست دیتے ہوئے 13 کے مقابلے میں 18 سیب توڑے۔ یہی نہیں کراچی کے یہ شہری 70 سال کی عمر میں گنیز ورلڈ ریکارڈ بنانے والے پاکستان کی تاریخ کے معمر ترین ورلڈ ریکارڈ ہولڈر بن گئے ہیں۔
گنیز ورلڈ ریکارڈ نے ریکارڈ منظور کر لیا ہے اور تصدیقی ای۔ میل بھی بھیج دی گئی ہے جبکہ گنیز ورلڈ ریکارڈ نے ریکارڈ کی تفصیلات اپنی ویب سائٹ پر بھی جاری کردی ہیں۔
نسیم الدین کا ریکارڈ بنانے کے بعد یہ کہنا تھا ساری زندگی لوہے کا کام کیا ہے اس لیے ہاتھ بھی لوہے کا ہو گیا ہے، خواہش تھی کے میں پاکستان کا نام روشن کروں اور اللہ کا شکر ہے کہ اس میں کامیابی ملی۔ یہ ریکارڈ پاکستان کرکٹ ٹیم کے نام کرتا ہوں جنہوں نے پہلی مرتبہ ورلڈ کپ میں بھارت کو شکست دی۔
یاد رہے کہ نسیم الدین پاکستان کے لیے مارشل آرٹس اور 73 عالمی ریکارڈ بنانے والے محمد راشد نسیم کے والد ہیں جبکہ ان کی پوتی بھی صرف 7 سال کی عمر میں ورلڈ ریکارڈ بنا چکی ہیں۔
- Featured Thumbs
- https://www.siasat.pk/data/files/s3/record-apple-1122.jpg
