کچھ روز قبل عمران ریاض نے ایک دعویٰ کیا تھا کہ ابصار عالم جب چئیرمین پیمرا تھا ، میری کسی سے لڑائی ہوئی، جس سے میری لڑائی ہوئی اسکا تعلق نوازشریف کے گھر سے تھا، مریم نواز نے ابصارعالم کو کہا کہ ابصار عالم کو کس دو، جس پر ابصارعالم نے مجھے نوٹس بھیج دیا
انکے مطابق میں نے ابصارعالم سے کہا کہ میں نجی زندگی میں جو بھی کروں اس سے پیمرا کا کیا تعلق ہے؟ اگر میں نے کسی پروگرام میں ایسی کوئی بات کی ہے تو آپ کو یہ اختیار حاصل ہے۔جس پر ابصارعالم نے کہا کہ مجبوری ہے بس جانے دیں،مجھے ایک لیٹر لکھ دیں میں نے کہا کہ میں کیوں لیٹر لکھوں
عمران ریاض نے مزید کہا کہ یہ بیچارا اپنی نوکری کی وجہ سے ایک عورت کے ہاتھوں مجبور ہوگیا تھا،یہ پچھلی سیٹ پر بیٹھا ہوتا تھا وہ جو اسے کہتی تھی، یہ وہی کرتا تھا، یہ بیچارا غلامی کرتا رہا ہے
اس پر ابصارعالم نے بھی عمران ریاض پر جوابی وار کیا اور پیمرا کا نوٹس سامنے لے آئے۔ اور کہا کہ عمران ریاض کو پیمرا نوٹس کی اصل وجہ ! عمران ریاض نے کہا یہ ذاتی معاملہ تھا۔ کیا کار چوری “ذاتی معاملہ” ہے؟
اس پر اینکر عمران ریاض بھی سامنے آگئے اور ابصارعالم کو جواب دیتے ہوئے کہا کہ ابصار عالم اب بھاگنا مت میری یاداشت بدترین تشدد کے بعد بھی الحمدللہ اچھی ہے یہ معاملہ ایک ایسے ماہر کار چور کا تھا جس نے پولیس سے ملی بھگت کرکے کروڑوں کی گاڑیاں چوری کیں۔
انہوں نے مزید کہا کہ لین دین پر تنازعہ ہوا تو پولیس نے اسے پکڑ کر جعلی پولیس مقابلے میں مار دیا اور کروڑوں کا مال ہڑپ لیا اسکے بھائیوں نے جعلی مقابلے کے خلاف آواز اٹھائی تو اسکے 4 بھائی جو ملوث نہیں تھے وہ بھی اٹھا کر قتل کر دیئے۔ ان لڑکوں کی ماں میرے پاس فریاد لائی تو معاملہ کھل گیا۔
عمران ریاض کا مزید کہنا تھا کہ پولیس والوں نے شریف خاندان تک سفارش پہنچائی اور پھر اس ٹاؤٹ نے یہ نوٹس بھیجا جسکا میرے پروگرام یا پیمرا سے کوئی تعلق نہیں تھا۔ عدالت میں پولیس زمہ دار نکلی اور عدالت کے احکامات کے باوجود ان پولیس والوں کے خلاف کوئی کاروائی نہیں ہوئی۔
انہوں نے مزید کہا کہ شریف خاندان کا دور ایسے بے شمار مظالم سے بھرا پڑا ہے جس پر ابصار عالم جیسے وظیفہ خور سرکاری عہدوں کے لالچی پردے ڈالتے رہے ہیں آج بھی یہ شخص سانحہ ڈی چوک کا چشم دید گواہ ہونے کے باوجود اپنے آقاؤں کی گردن بچانے کے لیے اپنا ضمیر بیچ رہا ہے۔
اس پر صحافی طارق متین نے ردعمل دیا کہ افسوسناک ! جانتے بوجھتے کہ رینجرز والے ایک بیوروکریٹ کے خاندان کی گاڑی سے شہید ہوئے۔ آپ پوڈ کاسٹ اور ٹی وی پر اسے مظاہرین کی شہادتوں کے مقابلے میں پیش کرتے رہے ہیں ۔ اتنا مکروہ کام کرنے کے بعد بھی آپ یہ دعوے کر رہے ہیں سب کو میمونہ سمجھا ہوا ہے آپ نے۔
جس پر عمران ریاض نے مزید کہا کہ یہ ایک بہروپیا اور جھوٹا شخص ہے جو بیچارہ توجہ کا بھوکا ہے۔ شریف خاندان کی سیاسی تباہی نے اسکے اعصاب پر بجلی گرائی ہے۔ سرکاری نوکری کی اتنی بڑی قیمت تو آجتک کسی نے نہیں چکائی۔ مریم کی غلامی سے بہتر تھا کہ یہ شخص صحافت چھوڑنے کے دعوے کے بعد کوئی اور کام کر لیتا۔ جسے لوگوں کا بہتا خون دکھائی نہ دے اس سے کسی بہتری کی توقع نہیں کی جا سکتی۔
اینکر عمران ریاض نے ابصارعالم پر طنز کرتے ہوئے کہا کہ مجھے لگتا ہے کہ اچانک میرا پاؤں کسی کی دم پر پورے طریقے سے آگیا ہے جسکے بعد بے شمار ٹاؤٹس اور نواز شریف اور اسکی بیٹی کے زرخرید غلاموں کے پٹے کھول دیئے گئے ہیں۔ اگلے چند دن بڑے دپچسپ ہونے والے ہیں کیونکہ میں نے پاؤں نہیں اٹھانا اور ان کی چیخیں نہیں رکنی۔
ان کا کہنا تھا کہ فوجی صنعتوں کی مصنوعات کے بائیکاٹ پر اتنے دن تک نواز شریف اور انکے قریبی لوگوں کی خاموشی بلا وجہ نہیں ہے۔ بڑی خبر آ رہی ہے۔
- Featured Thumbs
- https://www.siasat.pk/data/files/s3/i1h1i1h.jpg
