برطانیہ میں پاکستانی ہائی کمشنر ڈاکٹر فیصل نے اوورسیز پاکستانیوں کی حب الوطنی پر کڑی تنقید کردی, انہوں نے کہا کہ رہتے برطانیہ میں ذہن پاکستان میں ہیں, پاکستان جائیں وہاں سب فکس کریں, پاکستان میں جو ہورہا وہ اوورسیز کا مسئلہ نہیں.
ڈاکٹر فیصل کے اس بیان پر سوشل میڈیا صارفین نے ردعمل دے دیا, ایک صارف نے لکھا اب ہائی کمیشن کے زریعے ہمیں بتایا جا رہا ہے کہ اپنے کام سے کام رکھیں، پاکستان میں جو ہو رہا ہے وہ آپ کا مسلہ نہیں ورنہ وہاں آ کے ٹھیک کریں، وہاں جو ہیں ٹھیک کرنے کی کوشش کرنے والے ان کے ساتھ کیا کر رہے ہو تم لوگ؟
انہوں نے مزید لکھا کہ کوئی ان کو بتائے ہمارے ملک کے حلات ہمارا مسلہ ہیں، لوگوں کے خاندان رہتے ہیں پاکستان میں، اور جب ملک کو چلانے کے لیے اوور سیز حصہ ڈالتے ہیں تو ان کو سوال کرنے کا حق بھی ہے اور ان کا مسلہ بھی! پاکستان کو دنیا میں ایک مذاق بنا دیا ہے ایسے لوگوں نے!
سعد نے لکھا ایسے لوگ مسلط ھیں ۔۔۔اسی لئے تو بیڑہ غرق ھے اس کا پرائم منسٹر کاکڑ تو کہہ رھا ھے کے اوورسیز پاکستانی یہاں انویسٹ کریں مطلب پیسہ بھیج دیں وھاں کی فکر نا کریں ۔۔۔ کیسے مطمئن بھکاری ھیں یہ
احمد وڑائچ نے کہااوورسیز پاکستانیوں کی بڑی تعداد کی فیملیز پاکستان میں ہیں، پاکستان میں کیا ہو رہا ہے اس سے انہیں concern رہے گا، یہ عجیب/واہیات logic ہے کہ جو وہاں ہو رہا ہے اسے چھوڑ دیں، ہائی کمشنر کی یہ بات/حرکت شرمناک ہے۔
صابر شاکر نے پوچھاکیا آپ ڈاکٹر صاحب کی رائے سے متفق ہیں ؟؟
انور لودھی نے کہا حکمرانوں کے ساتھ ساتھ سفارتکار بھی نااہل اور نالائق ترین
عامر متین بولےڈاکٹر فیصل سے زیادہ بےوقوف یا چاپلوس سفارت کار نہی ہو سکتا۔ ان کو اپنی نوکری کی بنیادی زمہ داری سمجھ نہی آ رہی۔ ان کو کام برطانوی پاکستانیوں کو راغب کرنا ہے کہ وہ دھرتی سے جڑے رہیں اور اس کی مالی اور فکری مدد کریں۔ ان کا شکر گزار ہونا چاہیے کہ وہ اپنی مصروف زندگی میں ابھی بھی وقت نکالتے ہیں۔ پاکستان کی بھلائی کے متعلق سوچتے ہیں۔ ہمارا ملک تو چلتا ہی ترسیلات پر ہے
انہوں نے مزید لکھا دنیا کا ہر ملک کوشش کرتا ہے کہ اپنے تارکین وطن کو اپنے آبائی وطن سے جوڑے رکھنے کے لیے سوچ بچار کرے۔ یہ عجیب شخص ہے کہ چمچہ گیری کی خاطر شکر گزار ہونے کی بجائے برطانوی پاکستانیوں کی بے عزتی پر اتر آیا ہے۔ بھائ کشمیر کا مسلہ دنیا بھر میں انہی تارکین وطن کی وجہ سے زندہ ہے۔ آئرلینڈ کا مسلہ آئرش امریکیوں کی وجہ سے حل ہوا۔ امریکہ اور برطانیہ جیسے ملک diversity یعنی آبائ قوم پرستی کو فروغ دیتے ہیں۔
عامرمتین کا کہنا تھا کہ ہم نے برطانوی پاکستانیوں کو دوہری شہریت اس لئے دی ہے۔ ہمارے ہائی کمشنر کو ان کی بے عزتی کرنے کا کوئ اختیار نہی۔ ان کو فلفور واپس بلانا چاہیے اور ان کے خلاف اپنے اختیار سے تجاوز کرنے اور پاکستان کے مفادات کی غلط ترجمانی کرنے پر کاروائی ہونی چاہیئے
ایک اور ٹویٹ میں عامر متین نے کہا برطانیہ میں ہمارے کمشنر ڈاکٹر فیصل کا یہ کہنا کہ برطانوی پاکستانی فیصلہ کر لیں کہ وہ برطانوی ہیں یا پاکستانی اپنے عہدے کے غلط ترجمانی ہے۔ کیا یہ بھونڈا مزاق ہے۔ نالائقی ہے یا چاپلوسی۔ جو بھی ہے فیصل صاحب کو فوری پاکستان بلوا کر ان کے کٹہرے میں کھڑا کرنا چاہیے۔
انہوں نے کہا کیوں۔ برطانوی پاکستانی دوہری شہریت رکھتے ہیں۔ کیوں بلیک اینڈ وائٹ میں فیصلہ کریں۔ اور آپ کون ہیں یہ کہنے والے۔ اگر ریاست پاکستان اور برطانیہ کو اختلاف نہی تو آپ کو کیا تکلیف ہے۔ شکر کریں کے وہ اپنے آبائ ملک کی مدد کرنا چاہتے ہیں۔ آپ کون ہیں یہ فیصلہ کرنے والے کہ بس وہ پیسے بھیجیں اور پاکستان کے متعلق اپنا دماغ استعمال نہ کریں۔
عامر متین بولے اور یہ کیا ضروری ہے کہ پاکستان کے مسائل حل کرنے کے لئے وہاں ہجرت کرنا ضروری ہے۔ کہ اگر آپ کو پاکستان کا درد ہے تو پاکستان چلے جائیں۔ بھئ کیوں۔ آپ مامے لگتے ہیں بتانے والے کہ کب وہ پاکستان کا درد سمجھ سکتے ہیں اور اس کے لئے انہیں وہاں جانا ضروری ہے۔ شرم آتی ہے کہ یہ شخص وزارت خارجہ کا ترجمان تھا۔ اگر ہمارے ترجمان ایسے ہیں تو ہمارا خدا ہی حافظ ہے۔
- Featured Thumbs
- https://www.siasat.pk/data/files/s3/socialm11h12.jpg
