نوازشریف کے پیسے لندن میں سیاست پاکستان میں، اکاؤنٹ چپڑاسیوں کے اور بیٹے انگلستان میں، فواد چودھری
شہراقتدار میں میڈیا سے گفتگو کرتتے ہوئے وفاقی وزیر اطلاعات فوادچودھری نے کہا کہ نواز شریف کے اپنے پیسے لندن میں ہیں اور وہ سیاست پاکستان میں کر رہے ہیں ان کے اکاؤنٹ چپڑاسیوں کے نام پر ہیں اور اپنے بیٹے انگلستان بیٹھے ہیں۔
انہوں نے کہا کہ اللہ کی شان ہے کہ ن لیگ اور فضل الرحمان جیسے لوگ بھی عمران خان کی حکومت کو کرپٹ کہہ رہے ہیں۔ آسمان پر تھوکنا اسے کہتے ہیں۔ نوازشریف کے اپارٹمنٹس لندن میں بیٹی کے نام پر ہیں۔
وفاقی وزیر نے کہا کہ ٹرانسپیرنسی انٹرنیشنل کی رپورٹ کہتی ہے پاکستان میں قانون کی حکمرانی میں تنزلی ہوئی ہے، کسی کو نہیں پتا وہ یہ کیوں کہ رہے ہیں، رپورٹ میں مالیاتی کرپشن کا تذکرہ بھی نہیں ہے لیکن پریس ریلیز میں ایسے قصے جوڑے گئے کہ کرپٹ اپوزیشن کی بھی یہ جرات ہوئی کہ حکومت پر تنقید کر سکیں۔
فواد چوہدری کا کہنا تھا ہم کس قدر منظم مافیا کا سامنا کر رہے ہیں کہ ایسے وقت میں جب عالمی بینک نے پاکستان کی 5.37 فیصد سے ترقی کی تصدیق کر رہا ہے، کورونا سے نمٹنے کی حکومتی پالیسیوں کی تعریف عالمی سطح پر ہو رہی ہے۔
جبکہ ایک ایسی بے سروپا رپورٹ آتی ہے جس کا سر ہے نہ پیر، اور ایک پریس ریلیز پر ہیڈ لائنیں لگ جاتی ہیں۔ اپوزیشن کا حکومت پر تنقید کرنا آسمان پر تھوکنے کے مترادف ہے۔