پنجاب یونیورسٹی سٹوڈنٹس فیڈریشن (پی یو ایس ایف) اور جامعہ پنجاب کے سکیورٹی گارڈز میں تصادم کے نتیجے میں ایس ایچ او مسلم ٹائون اور متعدد گارڈز کے زخمی ہونے کا واقعہ پیش آیا ہے۔
ذرائع کے مطابق صوبائی دارالحکومت لاہور میں واقع جامعہ پنجاب کی طلبہ تنظیم پی یو ایس ایف اور سکیورٹی گارڈز میں تصادم کے نتیجے میں طلبہ کے پتھرائو اور تشدد سے مسلم ٹائون تھانے کے ایس ایچ او متعدد سکیورٹی گارڈز کے زخمی ہوئے ہیں۔
ذرائع کا کہنا ہے کہ طلبہ اور پولیس میں جھگڑے کا واقعہ جامعہ پنجاب کے شعبہ بین الاقوامی تعلقات کے باہر پیش آیا تھا جہاں پی یو ایس ایف کے طلبہ نے تصادم کے دوران شیشے کی بوتلیں اور پتھر مار کر بہت سی گاڑیوں کے شیشے بھی توڑ دیئے ۔ جامعہ کے طلبہ اور سکیورٹی گارڈز میں کسی بات پر تلخ کلامی ہوئی تھی جو بعدازاں جھگڑے میں بدل گئی اور پھر بہت سے طلبہ نے مل کر سکیورٹی گارڈز پر تشدد کیا۔
ذرائع کا کہنا ہے کہ جامعہ پنجاب کی طلبہ تنظیم پی یو ایس ایف نے گزشتہ رات 2 سکیورٹی گارڈز کو تلخ کلامی کے بعد تشدد کا نشانہ بنایا تھا جس پر طلبہ کے خلاف مقدمہ درج کروایا گیا تھا۔ آج سہی سکیورٹی گارڈز دوبارہ سے طلبہ کے سامنے آگئے جس پر تلخ کلامی ہوئی اور طلبہ نے مل کر سکیورٹی گارڈز پر تشدد کیا اور پتھرائوں کے ساتھ ساتھ شیشے کی بوتلیں بھی استعمال کیں جس سے متعدد گاڑیوں کے شیشے بھی ٹوٹ گئے۔
یونیورسٹی انتظامیہ کی طرف سے کشیدہ صورتحال کے بعد پولیس کو طلب کر لیا گیا ، ایس ایچ او مسلم ٹائون انسپکٹر عاطف بھی اطلاع ملنے پر جائے وقوعہ پر پہنچے جہاں شیشے کی بوتل لگنے سے زخمی ہو گئے۔ ایس پی اقبال ٹائون نے میڈیا سے گفتگو میں کہا کہ پنجاب یونیورسٹی کے باہر سکیورٹی گارڈز سے جھگڑنے والے فریقین کو منتشر کر دیا ہے اور انتشار پسند عناصر کے خلاف سخت قانونی کارروائی کی جائے گی۔
- Featured Thumbs
- https://www.siasat.pk/data/files/s3/punaj1h12i3.jpg
