پشاور میں گزشتہ شام لاپتہ ہونےو الی بچی کی تشدد زدہ لاش ریلوے ٹریک سے برآمد ہوگئی ہے۔
خبررساں ادارے کی رپورٹ کے مطابق پشاور کینٹ ریلوے کوارٹرز سے گزشتہ شام 11 سالہ بچی ماہ نور سودا لینے کیلئے گھر سے نکلی اور واپس نہیں آئی، بعد میں بچی کی تشدد زدہ لاش ریلوے پٹریوں کے پاس سے برآمد ہوئی ہے۔
ماہ نورکے اہلخانہ کم سن بچی کے بہیمانہ قتل پر سڑکوں پر نکل آئے اور انصاف کیلئے پشاور پریس کلب کے باہرلاش رکھ کر احتجاج کرنے لگے۔
بچی کی لاش کو پوسٹ مارٹم کے بعد اہلخانہ کے حوالے کیا گیا تھا جسے بعد میں اس کے آبائی علاقے میانوالی روانہ کردیا گیا ہے۔
واقعہ کے بعدایس ایس پی آپریشنز کاشف عباسی نے نوٹس لیتے ہوئے تحقیقاتی کیلئے کمیٹی تشکیل دیدی ہے ، انہوں نے کہا کہ بچی سے زیادتی کی تصدیق کے حوالے سے تصدیق میڈیکل رپورٹ آنے کے بعد ہوگا، ملزمان کو جلد گرفتار کرلیں گے۔