وزیر اعلی پنجاب محسن نقوی نے چوہدری پرویز الہیٰ کے گھر پولیس ایکشن پر ردعمل سامنے آگیا،محسن نقوی نے ٹویٹ میں لکھا کسی کو غیر قانونی کام کی اجازت نہیں دی جائے گی۔
وزیراعلیٰ پنجاب نے کہا پولیس پرویز الہیٰ کوگرفتارکرنے گئی ، پولیس نے چوہدری شجاعت کے گھر دھاوا بولاپولیس ایکشن میں چوہدری سالک حسین زخمی ہو گئےایکشن پرقانون کواپنا راستہ اختیارکرناچاہئےمیں تمام تفصیلات حاصل کررہاہوں۔
محسن نقوی کے بیان پر فواد چوہدری نے تنقید کردی، جوابی ٹویٹ میں کہا وہ وزیر اعلیٰ جو خود غیر آئینی اور غیر قانونی ہے کیسے کہ سکتا ہے کسی کو غیر قانونی کام نہیں کرنے دیں گے؟ سپریم کورٹ ہمارے کیس کا فیصلہ کرے کہ نوے دن کے بعد نگران حکومتیں کیسے قائم رہ سکتی ہیں؟
دیگر صارفین نے بھی ٹوئٹ پر ردعمل دیا، ایک صارف نے محسن نقوی پر تنقید کرتے ہوئے کہا برا نہ منائين تو جناب كو دو دن بعد خبر ملى،
ڈاکٹر ضیا خان نے کہا تھا کھسیانی بلی کھمبا نوچے!
محمد عمیر نے لکھا تھا یعنی برادرنسبتی ہیں اور وزیر ہیں تو ایکشن ہوگا؟یہی بات چوہدری وجاہت اور چوہدری راسخ کے گھر داخل ہونے کے لیے کیوں نہیں؟چوہدری وجاہت کے گھر تو پولیس چار بار گئی۔
اسماعیل الدین نے لکھا یہ ہے خار نا پرسان، اسحاق ڈار کہتے ہیں انہوں نے نہیں کیا، محسن نقوی کہتے ہیں انہوں نے لوگوں کے گھروں کے تقدس کو پامال کرنے کا حکم نہیں دیا تو قوم بتایا جائے پھر یہ کام کس نے کیا؟ اگر آپ دونوں نے نہیں کیا تو ابھی تک ائی جی، ڈی ائی جی، ایس پیز کے خلاف کارروائی کیوں نہیں ہوئی؟
اعصام مہک نے لکھا آپ ہو کون بھئی نوے دن پورے ہوگئے اب کوئی عہدہ نہیں آپکے پاس۔۔۔نکلو شاباش۔
پاکستان تحریک انصاف نے پرویز الہیٰ کے گھر پر چھاپے کے باوجود حکومت سے مذاکرات جاری رکھنے کا اعلان کردیا، سینئر نائب صدر فواد چوہدری نے کہا کہ مذاکرات کو سبوتاژ کرنے کی کوششوں کو مسترد کرتے ہوئے تحریک انصاف نے سپریم کورٹ کے احکامات کو مدنظر رکھتے ہوئے مذاکرات جاری رکھنے کا فیصلہ کیا ہے۔
انہوں نے کہا تھا پی ٹی آئی نے فیصلہ کیا ہے کہ آئین کے دائرے میں انتخابات کے فریم ورک پر حکومت سے مذاکرات جاری رہیں گے اور منگل کو حتمی ایجنڈے پر بات ہوگی۔
قبل ازیں وفاقی وزرا نے پی ٹی آئی کے صدر پرویز الہیٰ کے گھر پر چھاپے سے لاتعلقی کا اظہا رکرتے ہوئے ملبہ پنجاب کی نگراں حکومت پر ڈال دیا جبکہ اینٹی کرپشن پنجاب نے عدالتی دستاویزات موصول ہونے کے بعد پرویز الہیٰ کی گرفتاری 6 مئی کو مؤخر کردی۔
- Featured Thumbs
- https://www.siasat.pk/data/files/s3/mohsinahaha.jpg
