وفاقی تحقیقاتی ادارے (ایف آئی اے) نے لاہور، فیصل آباد اور گجرات کے علاقوں سے 11سوشل میڈیا ایکٹوسٹ گرفتار کر لیے، گرفتار ملزمان پر الزام ہے کہ وہ پاک فوج اور اعلیٰ عدلیہ کے خلاف سوشل میڈیا پر ٹرینڈ چلانے میں ملوث ہیں۔
تفصیلات کے مطابق تحریک انصاف کے تعلق رکھنے والے سوشل میڈیا ایکٹوسٹس کے خلاف کریک ڈاؤن شروع ہو گیا ہے اور ایف آئی اے نے پاک فوج اور اعلیٰ عدلیہ کے خلاف مہم اور ہتک آمیز ٹرینڈز چلانے پر گروپ کے سرغنہ کو لاہور کے علاقے سبزہ زار سے گرفتار کر لیا ہے۔ گرفتار ملزم کی شناخت مقصود عارف کے نام سے ہوئی ہے۔
زاہد گشکوری نامی صحافی نے دعویٰ کیا ہے کہ گرفتار ملزم کا تعلق ایک سیاسی جماعت سے ہے اکیس سو سے زائد اکاؤنٹس پاک فوج اور انکے سربراہ کے خلاف سوشل میڈیا پر مہم چلا رہے تھے۔
صحافی مبشر زیدی نے اس کی تصدیق کرتے ہوئے کہا ہے کہ سوشل میڈیا پر فوج اور عدلیہ کو تنقید کا نشانہ بنانے پر لاہور سے 3، فیصل آباد اور گجرات سے 8 افراد گرفتار کیے گئے ہیں۔
ایف آئی اے سائبر کرائم ونگ کا کہنا ہے کہ ان کے پاس 50 کارکنوں کی فہرست ہے جو سیکڑوں جعلی اکاؤنٹس چلا رہے تھے۔
بعدازاں مبشرزیدی کا کہنا تھا کہ ایف آئی اے کو تحریک انصاف سے متعلق فوج کے خلاف منظم کمپین چلانے کے ثبوت نہ مل سکے۔انہیں ریلیز کردیا گیا۔
مبشرزیدی کے مطابق ایف آئی اے آفیشل کا کہنا ہے کہ وہ لوگوں کو گرفتار کرنے کے حوالے سے انڈرپریشر تھے۔
- Featured Thumbs
- https://www.siasat.pk/data/files/s3/fia-1112.jpg
—— God forbid
