پنجاب سے تعلق رکھنے والے 42 سالہ سکھ نوجوان نے پاکستان کی تاریخ میں پہلی بار ڈاکٹریٹ کی ڈگری لینے کا اعزاز حاصل کرلیا ہے۔
تفصیلات کے مطابق پہلی بار سکھ برادری سے تعلق رکھنے والے کلیان سنگھ کلیان نامی شخص نے پنجاب یونیورسٹی سے پی ایچ ڈی مکمل کرلی ہے۔
کلیان سنگھ کو پاکستان کا پہلا اسسٹنٹ پروفیسر ہونے کا بھی اعزاز حاصل ہے۔ وہ لاہور کی گورنمنٹ کالج یونیورسٹی میں پنجابی کے اسسٹنٹ پروفیسر کے طور پر خدمات سرانجام دے رہے ہیں۔
انہوں نے اپنا پی ایچ ڈی کا مقالہ پنجابی کے ممتاز محقق پروفیسر ڈاکٹر نوید شہزاد کی زیر نگرانی مکمل کیا ۔کلیان سنگھ کے مقالے کا عنوان "گورونانک کی تعلیمات میں انسان دوستی کا فلسفہ"تھا۔ ان کا مقالہ600 صفحات پر مشتمل ہے جو انہوں نے اپنی والدہ کے نام منسوب کیا ۔
ان کا کہنا تھا کہ میرے لئے اعزاز کی بات ہے کہ پاکستان میں میں پہلا پی ایچ ڈی سکھ ہوں۔کلیان سنگھ نے گورنر پنجاب چوہدری سرور سے ملاقات بھی کی اور چوہدری سرور نے انہیں مبارکباد پیش کی۔
سردار کلیان سنگھ کلیان 12 دسمبر 1979 کو ننکانہ صاحب میں پیدا ہوئے اور انہوں نے ابتدائی تعلیم گورنمنٹ گورونانک ہائی اسکول میں حاصل کی جہاں تمام مذاہب کے طلبہ پڑھتے تھے۔
سردار کلیان سنگھ نے پنجاب یونیورسٹی سے ماسٹرز کی ڈگری حاصل کررکھی ہے اسکے بعد انہوں نے 2016 میں پنجابی ایم فل بھی کیا۔کلیان سنگھ کی تین بیٹیاں اور ایک بیٹا ہے۔
ان کی گریجویشن 2005 میں پنجاب یونیورسٹی سے الحاق شدہ گورنمنٹ ننکانہ صاحب کالج سے ہوئی۔ں، پبلک سروس کمیشن کے ذریعے منتخب ہونے کے بعد انہوں نے گوجرانوالہ اور گلبرگ کالجز میں بھی خدمات انجام دیں۔
- Featured Thumbs
- https://www.siasat.pk/data/files/s3/kalyan-singh1121.jpg
