پاکستان کیلئے اعزاز! سائرہ ملک نامی ہم وطن خاتون امریکی مالیاتی ادارے میں سی آئی او مقرر
امریکی میڈیا پر نشر ہونے والی خبروں کے مطابق امریکا میں پاکستانی نژاد خاتون سائرہ ملک کو اثاثہ جات کے انتظام کی عالمی فرم ’’نوین‘‘ کی سی آئی او (چیف انویسٹمنٹ آفیسر) مقرر کر دیا گیا ہے۔
غیر ملکی میڈیا کے مطابق نوین نامی یہ فرم اثاثہ جات جیسے ایکویٹیز، فکسڈ انکم، ریئل اسٹیٹ، پرائیویٹ مارکیٹس، قدرتی وسائل، دیگر متبادلات اور ذمہ دارانہ سرمایہ کاری کی عالمی منتظم ہے جس نے اپنی فرم کے اہم عہدے یعنی سی آئی او کیلئے ایک پاکستانی خاتون کا انتخاب کیا گیا ہے۔
تفصیلات کے مطابق سائرہ ملک نے 2003 میں ’’نوین‘‘ میں شمولیت اختیار کی تھی وہ تب سے مسلسل کامیابیاں حاصل کر رہی ہیں۔ سائرہ ملک عالمی سرمایہ کاری کمیٹی (GIC) کی بھی قیادت کررہی ہیں۔
امریکی میڈیا کے مطابق ’’نوین‘‘ سب سے سینئر سرمایہ کاروں کو یکجا کرتی ہے تاکہ ادارہ جاتی اور دولت کے چینلز پر صارفین کے لیے بہترین سوچ اور قابل عمل کاروباری آئیڈیاز فراہم کرسکیں۔
سائرہ ملک نے فنانس میں ایم ایس کی تعلیم حاصل کر رکھی ہے، وہ ’’ایکویٹیز انویسٹمنٹ کونسل‘‘ کی چیئرپرسن کے طور پر بھی کام کرتی رہی ہیں جہاں ان کا عہدہ نائب صدر اور ایکویٹی ریسرچ اینالسٹ کا تھا۔
اس کے علاوہ سائرہ ملک مالیاتی نیوز نیٹ ورکس جیسے سی این بی سی، بلومبرگ اور فاکس بزنس پر بھی نظر آتی ہیں۔ سائرہ ملک کا نام امریکی مالیات کی 100 با اثر خواتین میں بھی رہا ہے۔
- Featured Thumbs
- https://www.siasat.pk/data/files/s3/saira-ml11j.jpg
