پاکستان سٹیزن پورٹل پر عوامی مسائل کے حل میں جعلسازی کرنے والے سرکاری افسران کو معطل کر دیا گیا ہے۔
تفصیلات کے مطابق پاکستان سٹیزن پورٹل پر عوامی مسائل کے حل میں سرکاری افسران کی جانب سے جعلسازی کیئے جانے کا انکشاف ہوا ہے جس کے بعد ملوث افسران کے خلاف کارروائیاں کی جارہی ہیں۔
پی ایم ڈی یو کی جانب سے پنجاب کے 54، پختونخواہ کے 86، سندھ کے 8 اور وفاق کے 11 افسران سمیت 254 سرکاری افسران کے ڈیش بورڈز پر جعلسازی پر رپورٹ تیار کی گئی جو وزیر اعظم عمران خان کو پیش کردی گئی ہے۔
رپورٹ میں بتایا گیا ہے کہ عوامی شکایات پر کارروائی سے متعلق غلط بیانی کرنے والے سرکاری افسران کے خلاف کارروائی کا آغاز کردیا ہے۔
رپورٹ میں بتایا گیا ہے کہ تحقیقات میں پنجاب کے 44 سرکاری اہلکار جعلسازی میں موث پائے گئے ہیں جبکہ پختونخواہ کے چیف سیکریٹری نے 39 سرکاری اہلکاروں کے خلاف کارروائی کی، جعلسازی ثابت ہونے والے سرکاری ملازمین کو معطل کردیا گیا ہے۔
رپورٹ میں مزید بتایا گیا ہے کہ صوبائی انسپکٹر جنرلز کی جانب سے تحقیقات کے بعد پنجاب میں 45، خیبر پختونخواہ میں 10 اور سندھ میں 3 اہلکاروں کے خلاف کارروائی کی گئی۔
جعلسازی میں ملوث افراد کے خلاف کارروائی کے لئے ہدایت جاری کرتے ہوئے وزیراعظم عمران خان کا کہنا تھا کہ سٹیزن پورٹل پر عوامی شکایات کو خود مانیٹر کرتا ہوں، عوامی مسائل کے حل میں کوتاہی بالکل برداشت نہیں کی جائے گی، غلط بیانی کرنے والے افسران کے خلاف فوری کارروائی کی جائے گی۔
- Featured Thumbs
- https://www.siasat.pk/data/files/s3/3itiprt.jpg
