مارول سیریز کی ’اسپائیڈر مین فار فرام ہوم‘ میں اسپائیڈر مین کی حجابی کلاس میٹ کا کردار ادا کرنے والی پاکستانی ماڈل و اداکارہ زوہا رحمان ایپل ٹی وی پلس پر چلنے والے سائنس فکشن سیریز ”فاؤنڈیشن ”میں نظر آئیں گی۔
تفصیلات کے مطابق اداکارہ زوہا رحمان مقبول آئزک عاصموف فاونڈیشن کی کتابوں سے ماخوذ سائنس فکشن ٹیلی ویژن سیریز ”فاؤنڈیشن ”میں نظر آئیں گی جس میں زوہا رحمان اونیلے کے کردار میں نظر آئیں گی، یہ ایک سپاہی ہے جو ہنٹریس کے ساتھ مل کر کام کرتی ہے، اس سے قبل یہ کردار کبریٰ سیٹ نے ادا کیا۔
فاؤنڈیشن‘ میں اپنے کردار سے متعلق گفتگو کرتے ہوئے زوہا رحمان کا کہنا تھا کہ اس ڈرامے میں ان کا کردار بہت دلچسپ ہے، مجھے سائنس فکشن سے تعلق رکھنے والی ہر چیز پسند ہے اس لیے میں اس شو سے متعلق بہت پرجوش ہوں۔
زوہا رحمان کا کہنا تھا کہ میں فاونڈیشن کی کتابوں کی پہلے ہی بہت بڑی پرستار ہوں، اور اس سیریز کا حصہ بننا میرے لیے بہت بڑا اعزاز ہے۔
جوش فرائیڈ مین اور ڈیوس ایس گوئیر کی پیشکش ’فاؤنڈیشن‘ ایپل ٹی وی پلس پر دکھائی جا رہی ہے، اس سیریز کا دوسرا سیزن بھی تیار کیا جا چکا ہے۔
واضح رہے کہ زوہا رحمان ایک برطانوی نژاد پاکستانی اداکارہ ہیں جو ملک میں تیزی سے شہرت پارہی ہیں اور شائقین ان کی اداکاری بہت پسند کر رہے ہیں، اداکارہ زوہا رحمان کبیر خان کی اگلی فلم 83 میں بھی نظر آئیں گی، کبیر خان کی 83 ہندی فلم ہے جو 1983 کے کرکٹ ورلڈ کپ میں انڈیا کی فتح کو بنیاد بنا کر تیار کی جا رہی ہے۔
- Featured Thumbs
- https://www.siasat.pk/data/files/s3/zoha-rehman1121.jpg
