نیدرلینڈ کرکٹ نے آئی سی سی ٹی 20 ورلڈ کپ کے سیمی فائنل میں فتح اور فائنل تک رسائی حاصل کرنے والی پاکستانی ٹیم کومبارکباد کا پیغام بھیجا ہے۔
تفصیلات کے مطابق پاکستان کو آئی سی سی ٹی 20 ورلڈ کپ کے سیمی فائنل تک رسائی ملنے میں اہم کردار ادا کرنے والی نیدر لینڈ کی کرکٹ ٹیم نے سیمی فائنل میں نیوزی لینڈ کو شکست دے کر فائنل پر جگہ بنانے پر پاکستانی ٹیم کو مبارکباد دی ہے۔
مائیکروبلاگنگ ویب سائٹ ٹویٹر پر نیدرلینڈ کرکٹ کے آفیشل ٹویٹر ہینڈل سے پاکستانی ٹیم کی فتح کے حوالے سےایک پیغام جاری کیا گیا جس میں کہا گیا تھا کہ"پاکستان کرکٹ ، ورلڈ کپ کے فائنل میں پہنچنے والی پہلی ٹیم ، شاندارفتح تھی، اور بہترین کرکٹ ، دیکھ کر مزہ آیا"۔
خیال رہے کہ ورلڈ کپ کے پہلے مرحلے میں پاکستان اپنے برے آغاز سے تقریبا ایونٹ سے باہر ہوگیا تھا تاہم آخری وقت میں نیدر لینڈ نے مشکل حریف اور مضبوط ٹیم جنوبی افریقہ کو غیر یقینی طور پر شکست دی جس سے پاکستان کی سیمی فائنل تک رسائی آسان ہوگئی، اپنے آخری میچ میں پاکستان نے بنگلہ دیش کو ہرا کر سیمی فائنل میں جگہ بنالی۔
آج کھیلےجانے والے سیمی فائنل میں پاکستان نے نیوزی لینڈ کو 7 وکٹوں سے شکست دے کر فائنل تک رسائی حاصل کرلی ہے
- Featured Thumbs
- https://www.siasat.pk/data/files/s3/11nethwrlandcricket.jpg
