ٹویٹر کو حال ہی میں خریدنےوالے ایلون مسک نے ٹویٹر کے وی فائیڈ بلو بیج سے متعلق پالیسی تبدیل کردی ہے۔
مشہور مائیکروبلاگنگ ویب سائٹ ٹوئٹر کو حال ہی میں خریدنے والے ایلون مسک نے ٹویٹر کے منفرد فیچر"بلو بیج" سے متعلق پالیسی کو تبدیل کرتے ہوئے اسے خریدی جانے والی سہولت بنا دیا ہے۔
مائیکروبلاگنگ ویب سائٹ پر جاری پیغام میں ایلون مسک نے کہا کہ ٹویٹر کا موجودہ سرداروں اور کسانوں والا نظام یعنی نیلے بیج والےصارف اور بغیر بیج والے صارف کا سسٹم ایک بدتمیزی ہے، عوام کو طاقت فراہم کرتے ہوئے بلو بیج کو ماہانہ8 ڈالر فی ماہ پر دستیاب ہے۔
انہوں نےمزید کہا کہ یہ قیمت ملکوں کے لحاظ سے قوت خرید کی طاقت کو مدنظر رکھ کر رکھی گئی ہے، اب بلو بیج کے ذریعے آپ کو رپلائے میں ترجیحات، مینشنز اور سرچ میں مزید سہولت فراہم کی جائے گی، ان سہولیات سے فراڈ اور جعل سازی سے بچاجاسکے گا، اس کے ساتھ ساتھ لمبی ویڈیوز شیئر کرنے کی سہولت بھی بلو بیج والوں کو فراہم کی جائےگی۔
ایلون مسک نے کہا کہ ہمارے ساتھ کام کرنے کے خواہش مند افراد کیلئے پے وال بائی پاس کردیا جائے گا، اس سہولت کے ذریعے ٹویٹر کو آمدن حاصل ہوگی جس سے کانٹینٹ بنانے والوں نوازا جائے گا۔
ایلون مسک کے اس اقدام پر کڑی تنقید کی جارہی ہے اور بعض تو ایلون مسک کا مذاق بھی اڑارہےہیں، انکا کہنا ہے کہ جب بلیو ٹک کے بغیر ہی انکا کام چل رہا ہے تو انہیں 8 سے 20 ڈالر ماہانہ دینے کی کیا ضرورت ہے۔