وزیراعظم شہبازشریف کا نیا ٹویٹر اکائونٹ سسپنڈ کردیا گیا۔
یہ اکاؤنٹ وزیراعظم شہبازشریف نے ایک روز قبل بنوایا تھا جس کے ذریعے وہ عربی زبان میں ٹویٹس کے ذریعے عرب ممالک تک اپنا پیغام پہنچانا چاہتے تھے۔
لیکن ٹوئٹر نے اپنی پالیسی کے تحت اس اکاؤنٹ کو معطل کردیا جس کی وجہ یہ ہے کہ کوئی بھی شخص اپنے نام سے صرف ایک ہی اکاؤنٹ رکھ سکتا ہے۔
وزیراعظم شہبازشریف کا ٹوئٹراکاؤنٹ پہلے سے موجود ہے جو ٹوئٹر سے ویریفائڈ ہے اور وزیراعظم شہبازشریف ماضی میں اس اکاؤنٹ سے انگلش، اردو کے ساتھ ساتھ عربی اور چینی زبان میں بھی ٹویٹس کرواتے رہے ہیں۔
یادرہے کہ وزیراعظم شہبازشریف کے آفیشل ڈیجیٹل فوکل پرسن ابوبکر عمر نے گزشتہ روز اپنے اکاونٹ سے شہباز شریف کے اکاونٹ کا لنک شئیر کرتے ہوئے کہا تھا کہ وزیر اعظم اسلامی جمہوریہ پاکستان محمد شہباز شریف کا آفیشل ٹویٹر ہینڈل عرب ممالک کے برادر لوگوں کے ساتھ ہمارے تعلقات اور روابط کو مضبوط کرنے کے لیے لانچ کیا گیا ہے۔
- Featured Thumbs
- https://www.siasat.pk/data/files/s3/shahb1112.jpg
