ٹرمپ کی بڑی کامیابی، اے بی سی نیوز کے خلاف ہتک عزت کا کیس جیت لیا

امریکا کے نو منتخب صدر ڈونلڈ ٹرمپ نے امریکی نیوز چینل اے بی سی نیوز کے خلاف ہتک عزت کا مقدمہ جیت لیا ہے، جس کے نتیجے میں چینل کو 15 ملین ڈالر ہرجانے کی ادائیگی کا حکم دیا گیا ہے۔ یہ رقم صدارتی فاؤنڈیشن اور میوزیم کے لیے مختص کی جائے گی، جبکہ چینل کے اینکر جارج اسٹیفانوپولس اور ادارے کو سرعام معافی بھی مانگنی ہوگی۔

ڈونلڈ ٹرمپ کی جانب سے یہ مقدمہ اے بی سی نیوز کے اینکر جارج اسٹیفانوپولس کے خلاف دائر کیا گیا تھا، جنہوں نے امریکی نمائندہ نینسی میس کے ساتھ ایک انٹرویو میں ٹرمپ پر سنگین الزامات لگائے تھے۔ ان الزامات میں انہیں "ریپ کا ذمہ دار" ٹھہرایا گیا تھا، جس پر ٹرمپ نے سخت قانونی کارروائی کا فیصلہ کیا۔

مقدمے کا پس منظر​

یہ معاملہ 10 مارچ 2024 کو اے بی سی نیوز کے پروگرام This Week کے دوران اینکر جارج اسٹیفانوپولس کی جانب سے دیے گئے متنازع بیانات سے شروع ہوا۔ انٹرویو کے دوران انہوں نے جنوبی کیرولائنا کی ریپبلکن کانگریس وومن نینسی میس سے ٹرمپ کی حمایت کے حوالے سے سوال کرتے ہوئے متعدد بار دعویٰ کیا کہ "عدالتوں اور دو الگ جیوریز نے ٹرمپ کو ریپ کا ذمہ دار قرار دیا ہے۔"

یہ دعویٰ جھوٹا ثابت ہوا کیونکہ 2023 میں نیویارک کی ایک شہری عدالت نے ٹرمپ کو صحافی ای جین کیرول کے ساتھ جنسی زیادتی کے مقدمے میں "جنسی زیادتی" کا مرتکب تو ٹھہرایا، مگر "ریپ" کا الزام تکنیکی طور پر ثابت نہ ہوا۔ جج لیوس کیپلن نے وضاحت کی کہ نیویارک کے قانون میں "ریپ" کی تعریف محدود اور تکنیکی ہے، جو عام زبان میں سمجھی جانے والی تعریف سے مختلف ہے۔

تصفیے کے تحت اے بی سی نیوز 15 ملین ڈالر بطور عطیہ "صدارتی فاؤنڈیشن اور میوزیم" کے لیے ادا کرے گا، جو امریکی صدور کی طرز پر قائم کی جائے گی۔ مزید برآں، اے بی سی نیوز اور اسٹیفانوپولس کو اپنے بیان پر سرعام افسوس کا اظہار بھی کرنا ہوگا۔

چینل کی ویب سائٹ پر متنازع خبر کے نیچے ایک ایڈیٹر کا نوٹ بھی شامل کیا جائے گا، جس میں کہا جائے گا:

"اے بی سی نیوز اور جارج اسٹیفانوپولس صدر ڈونلڈ جے ٹرمپ سے 10 مارچ 2024 کو اے بی سی نیوز کے پروگرام This Week میں نینسی میس کے ساتھ انٹرویو کے دوران دیے گئے بیانات پر افسوس کا اظہار کرتے ہیں۔"

ڈونلڈ ٹرمپ نے ماضی میں میڈیا اداروں کے خلاف کئی مقدمات دائر کیے ہیں۔ ان میں سے کچھ مقدمات جیسے سی این این کے خلاف ہتک عزت کا دعویٰ خارج ہو چکا ہے، جبکہ نیویارک ٹائمز اور واشنگٹن پوسٹ کے خلاف مقدمات بھی عدالتوں نے مسترد کیے۔

یہ مقدمہ ڈونلڈ ٹرمپ کی سیاسی حکمت عملی میں ایک اور بڑی کامیابی سمجھا جا رہا ہے، خاص طور پر ایسے وقت میں جب وہ دوسری بار امریکا کے صدر منتخب ہو چکے ہیں۔

 

[Wake up Pak]

 

[crankthskunk]

Wrong headline. He didn't win the case. ABC offered outside court settlement to pay to a charity.

Now wait for a case to be filled by FBI against Trump for the corruption of $15 million.
If they to follow NAB's and FIA guidelines.