اسرائیل کا دورہ کرنے والے صحافی و پاکستان ٹیلی ویژن کے سابق اینکر احمد قریشی نے وزیراعظم شہباز شریف کےدورہ قطر میں لباس کے انتخاب کو خود داد دی ہے اور سابقہ حکومت کو تنقید کا نشانہ بھی بنایا ہے۔
مائیکروبلاگنگ ویب سائٹ ٹویٹر پر اپنےبیان میں احمدقریشی نے شہباز شریف کی تصاویر شیئر کرتے ہوئے لکھا کہ بالآخر ایک ایساوزیراعظم آگیا ہے جو بین الاقوامی دوروں کے دوران بے عیب لباس پہن کر "پاکستان ود سٹائل" کی مثال قائم کررہےہیں۔
انہوں نےمزید کہا کہ خصوصااپنے دورہ قطر کے دوران شہباز شریف میزبان کو اپنی شستہ عربی سے متاثر کررہے ہیں، ایسا پاکستان کی 75 سالہ تاریخ میں پہلی بار ہوا ہے۔
احمد قریشی نے اپنی دوسری ٹویٹ میں پی ٹی آئی کی سابقہ حکومت کو تنقید کا نشانہ بناتے ہوئے کہا کہ یہ چار سالہ دور حکومت میں بے ترتیب لباس پہن کر ملک کی نمائندگی کرنے والوں کے کے بعد پاکستان میں بہت سی دکھی آنکھوں کو ملنے والی راحت ہے۔
خصوصا ان کے ایک وزیر خزانہ جو آئی ایم ایف وفد(جن میں خواتین بھی شامل تھیں) کے سامنے "پاجامے" میں ٹانگیں پسار کر بیٹھا کرتے تھے۔
- Featured Thumbs
- https://www.siasat.pk/data/files/s3/4shehbamirqatar.jpg
