لاہور واہگہ بارڈر پر پاکستان رینجرز کی پریڈ کی نقل کرنے والے ایک بینڈ گروپ کی شادیوں میں ہوبہو پریڈ کی ویڈیو وائرل ہوگئی ہے۔
تفصیلات کے مطابق فیصل آباد سے تعلق رکھنے والے نیوی بینڈ سوشل میڈیا پر ایک ویڈیو بہت تیزی سے وائرل ہورہی ہے جو شادیوں میں بینڈ باجا بجاتے ہوئے واہگہ بارڈر پر ہونے والی پریڈ کی ہو بہو نقل کرتے دکھائی دیتے ہیں۔
نیوی بینڈ کے ارکان واہگہ بارڈر پر پریڈ کرنے والے پنجاب رینجرز کے اہلکاروں جیسا ہی یونیفارم بھی زیب تن کرتے ہیں اور اسی انداز میں سلامی بھی دیتے ہیں جس روایتی انداز سے پنجاب رینجز کے اہلکار بارڈر پر روزانہ شام کو پرچم اتارنے کے موقع پر کی جانے والی پریڈ میں کرتے دکھائی دیتے ہیں۔
ویڈیو سامنے آنے کے بعد پاکستان رینجرز پنجاب کی جانب سے ردعمل بھی سامنے آگیا ہے جس میں کہا گیا ہے کہ بینڈ گروپ سے متعلق معلومات اکھٹی کی جارہی ہیں ساتھ ہی تحقیقات بھی کی جارہی ہیں کہ یہ ویڈیو کب اور کہاں ریکارڈ کی گئی۔
سوشل میڈیا پر ویڈیو وائرل ہونے پر صارفین اس پر ملے جلے ردعمل کا اظہار کررہے ہیں، کچھ صارفین اس حرکت کی مذمت جبکہ کچھ اس انداز کو خوب سراہ رہے ہیں۔
خیال رہے کہ پاکستان بھر میں شادی بیاہوں پر بینڈ باجے بجانےوالے زیادہ تر گروپس کے ناموں میں لفظ "فوجی" تواتر سے استعمال کیا جاتا ہے۔
- Featured Thumbs
- https://www.siasat.pk/data/files/s3/8رانگعرباندننانقلا.png
