این اے 69 کے بعد این اے 186 ڈیرہ غازی خان میں بھی الیکشن کمیشن بے نقاب ۔۔ تحریک انصاف کے امیدوار سجاد چھینہ کے جیتنے جانے کاانکشاف
تفصیلات کے مطابق این اے 186 ڈیرہ غازی خان سے مسلم لیگ ن کے وفاقی وزیر اویس لغاری 1921 ووٹوں کے فرق سے کامیاب قرار پائے جبکہ الیکشن کمیشن کے اپلوڈ کئے گئے فارم 45 کے مطابق یہ سیٹ تحریک انصاف کے سجادحسین چھینہ جیت چکے ہیں۔
یادرہے کہ اویس لغاری کو وزیرریلوے جیسا اہم عہدہ ملا ہے اور انہوں نے گزشتہ روز حلف اٹھایا تھا
الیکشن معاملات کور کرنیوالی ویب سائٹ پی ٹی آئی پالیٹکس کے مطابق یہ فرق فارم 45 اور فارم 48 کے مطابق 3 پولنگ اسٹیشنز پر سامنے آیا۔ ان پولنگ اسٹیشنز کے فارم 48 پر ووٹ کچھ اور تھے جبکہ فارم 45 کے مطابق دونوں امیدواروں کے ووٹ کچھ اور تھے۔
اعدادوشمار کے مطابق سجاد چھینہ یہ سیٹ 1045 ووٹوں سے جیت چکے تھے
تحریک انصاف کا دعویٰ ہے کہ یہ سیٹ اویس لغاری 50 ہزار سے زائد ووٹوں سے ہارچکا تھا لیکن دوسرے دن انہیں جتوادیا گیا۔
ایک پولنگ اسٹیشن کے نتیجے کے مطابق مہر سجاد حسین چھینہ کو 498 ووٹ اور سردار اویس خان لغاری کو 343 ووٹ ملے تھے مگر نتیجے کو تبدیل کرکے اویس لغاری کے ووٹ کو 343 کی بجائے 1043 کر دیا گیا۔
- Featured Thumbs
- https://www.siasat.pk/data/files/s3/awais11h2h.jpg
