پاکستان کرکٹ ٹیم کے نائب کپتان شاداب خان کو نیوزی لینڈ کی ایک خاتون مداح نے شادی کی پیشکش کر دی۔ فینز نے شاداب سے ملاقات کی آٹوگراف لیے شاداب نے انہیں تحفے بھی دیئے، نیوزی لینڈ کی مداح نے شادی کی خواہش کا بھی اظہار کر دیا۔
تفصیلات کے مطابق نیوزی لینڈ کیخلاف سہ فریقی سیریز میں فتح حاصل کرنے کے بعد شاداب کی کچھ مداحوں کے ہمراہ ٹوئٹر پر ویڈیو وائرل ہوئی جس میں کرکٹر نے اپنا ٹراؤزر ایک مداح کو بطور تحفہ دیا۔ جبکہ ان فینز کے ساتھ تصاویر بھی بنوائیں۔
تاہم جس مداح کو شاداب خان نے ٹراؤزر دیا اس نے میڈیا سے گفتگو کرتے ہوئے بتایا کہ وہ شاداب کو بے حد پسند کرتی ہیں کیونکہ وہ بہت اچھا کھلاڑی ہے اور وہ شاداب خان سے محبت کرتی ہے اور چاہتی ہے کہ شاداب اس سے شادی کر لے۔
ویڈیو میں دیکھا جاسکتا ہے کہ ایک سوال پر کیوی شہری نے یہ بھی کہا کہ میں نے شاداب کو شادی کی پیشکش کی ہے اور انہیں یہ بھی بتایا کہ میں ان سے محبت کرتی ہوں لیکن انہوں نے جواب میں انہوں نے کچھ نہیں کہا، وہ بہت شرمیلے ہیں لیکن میں نہیں ہوں۔
جبکہ مداح یہ بھی کہہ رہے ہیں کہ ان غیر ملکی حسیناؤں کو پاکستانی پلیئرز کی جان چھوڑ دینی چاہیے تاکہ وہ ورلڈ کپ پر فوکس کر سکیں اور ٹھیک طریقے سے کھیلیں۔
- Featured Thumbs
- https://www.siasat.pk/data/files/s3/2shadabkiwifan.jpg
