پاکستان میڈیا ریگولیٹری اتھارٹی (پیمرا) کی طرف سے ایک بار پھر الیکٹرانک وپرنٹ میڈیا کے لیے ہدایات جاری کی گئی ہے۔ پیمرا کی طرف سے جاری کیے گئے اعلامیہ میں الیکٹرانک وپرنٹ میڈیا کو ہدایت کی گئی ہے کہ میڈیا کوڈ آف کنڈکٹ 2016ء پر عملدرآمد یقینی بنایا جائے۔
میڈیا کو چاہیے کہ وہ ملک میں امن وامان کو نقصان پہنچانے والوں کا پوری طرح سے بائیکاٹ کرے۔ میڈیا غیردانستہ یا دانستہ کسی بھی نفرت پھیلانے والے کی تشہیر نہ کرے۔
پیمرا اعلامیہ کے مطابق 9 مئی پر ریاستی وعوامی املاک پر حملے کر کے عام عوام کی جانوں کو خطرے میں ڈالا گیا۔ 9 مئی کو فیڈریشن کو کمزور کرنے کے لیے ریاست مخالف بیانات جاری کیے گئے، ایسے واقعات کا مقصد صرف اور صرف معاشرے میں نفرت پھیلانا تھا۔
9 مئی (یوم سیاہ) پر ملک کے مقتدار اداروں اور ریاست کو نقصان پہنچانے کی مذموم سازش کی گئی تھی، ان واقعات کی بھرپور مذمت کی جانی چاہیے اور ملوث لوگوں کو فروغ دینے سے گریز کیا جائے۔ ملکی قوانین اور عدالتی احکامات کے بعد نفرت پھیلانے والوں اور ریاستی اداروں کے خلاف عوام کے جذبات بھڑکانے والوں کو کو ایئرٹائم نہ دیا جائے۔
پیمرا کے اعلامیہ کے مطابق پیمرا قوانین کی روشنی میں وضع کردہ اصولوں کی الیکٹرانک میڈیا ادارتی بورڈ تعمیل کریں۔ تمام سیٹلائٹ ٹی وی چینلز براہ راست نشریات میں تاخیری طریقہ کا استعمال یقینی بنانے کے ساتھ ساتھ ایک آزاد اور غیرجانبدار ادارتی بورڈز تشکیل دیں تاکہ قومی ہم آہنگی کو فروغ ملے اور نفرت پھیلانے والوں کا میڈیا سے مکمل بائیکاٹ کیا جائے۔
سینئر کورٹ رپورٹر نے پیمرا اعلامیہ شیئر کرتے ہوئے اپنے ایکس (ٹوئٹر) پیغام میں لکھا کہ: آج وہی ہوا جس کاان کو ڈر تھا اور جس کی وجہ سےعمران خان کو میڈیا کے سامنے نہیں لایا جا رہا تھا! عمران خان کی آج دوصحافیوں احتشام عباسی اور عرفا فیروز سے ملاقات اور پورے میڈیا پر ہنگامہ! پھر لندن والوں کا بیانیہ تو وڑ گیا ! جس کا ثبوت پیمرا کا یہ نیا حکم نامہ ہے!
سینئر صحافی سحرش مان نے لکھا کہ: پیمرا نے ہدایت نامہ جاری کیا ہے کہ: 9مئی کےواقعات کی بھرپورمذمت کی جانی چاہیے، واقعات میں ملوث لوگوں کوفروغ دینےسےگریزکرناچاہیے۔ ملک میں امن وامان کونقصان پہنچانےوالوں کامیڈیاکوبائیکاٹ کرناچاہیے، میڈیادانستہ اورغیردانستہ کسی بھی نفرت پھیلانےوالےکوفروغ نہ دے!
ایک سوشل میڈیا صارف نے لکھا کہ: پیمرا کا نیا نوٹیفکیشن جاری، ریاست مخالف کوئی بیان نہ چلایا جائے ! ابھی تو صرف خان صاحب کا ایک بیان سامنے آیا ہے ۔ انشاءاللہ جس دن خان صاحب ناجائز قید سے باہر آئینگے اس دن ان کا کیا حال ہوگا، آج کے بیان میں تو خان صاحب نے صرف اتنا کہا میں ڈٹ کے کھڑا ہو اور ان کے شاٹ ہوگئے!
سینئر صحافی ثاقب ورک نے لکھا کہ:پیمرا کے حکمنامہ کے بعد مجھے نہیں لگتا کہ آئندہ سائفر کیس کی سماعت کے دوران صحافیوں کو اڈیالہ جیل داخلے کی اجازت دی جائے گی کیونکہ آج جو تباہی عمران خان نے اپنے مخالفین کی کردی ہے اس کے بعد جنہوں نے پیمرا سے عمران خان کی کوریج نا کرنے کا حکم نامہ جاری کرایا ہے، ویسے ہی آرڈرز اڈیالہ جیل بھی بھیجے ہونگے!
سینئر صحافی ریاض الحق نے لکھا کہ: اتنی پریشانی؟ عمران خان کے چند بیانات ٹی وی پر چل گئے اور پیمرا کا نیا ہدایت نامہ آگیا کہ ریاست مخالف نفرت پھیلانے والے شخص کے بیانات چلانے سے اجتناب برتا جائے۔
ایک سوشل میڈیا صارف نے لکھا کہ: ذرائع کے مطابق آج عمران خان کے ٹکرز چلنے پر ڈائریکٹ حافظ کی طرف سے سخت سرزنش کی گئی ہے،اب دوڑیں لگی ہیں اور پیمرا کی طرف سے زبانی ہدایات دی گئی ہیں کے چینلز عمران خان کے نام کا کوئی ٹیکر نہ چلائے کیونکہ نواز شریف کو سخت تکلیف پہنچی ہے! جنرل نانی بھی اسی تکلیف کی وجہ سے آج ٹویٹر پر آئی، حالات ایسے ہی رہے تو ایک جنرل جو کہ بیٹی کے لیے جنید کے رشتے کے انتظار میں ہے اسے انکار بھی ہو سکتا ہے!
واضح رہے کہ سابق وزیراعظم وچیئرمین پی ٹی آئی عمران خان نے اڈیالہ جیل راولپنڈی میں میڈیا سے گفتگو کرتے ہوئے کہا کہ ڈیل کرپٹ لاڈلے کرتے ہیں لیکن میرے ہاتھ صاف ہیں، مقدمہ پوری قوم کے سامنے چلایا جائے۔ جیل میں رہنا عبادت سمجھتا ہوں ، مرنا قبول ہے لیکن کوئی ڈیل کر کے ملک سے باہر نہیں جائوں گا۔
سائفر بارے گفتگو کرتے ہوئے کہا کہ وہ تو اصل میں جنرل باجوہ کو بھیجا گیا تھا، شاہ محمود قریشی کو اتفاقاً ملا تھا، یہ کیس بوگس نہیں ہے تو کھلی عدالت میں چلایا جائے۔
- Featured Thumbs
- https://www.siasat.pk/data/files/s3/8pemranenksjdhhdjd.png
