دبئی میں ہنی مون پر موجود پاکستان شوبز انڈسٹری کی معروف جوڑی منال خان اور احسن محسن اکرام کی ایک تصویر پر میمرز کی جانب سے انتہائی مزاحیہ میمز بنانے کا سلسلہ جاری ہے۔
احسن محسن اکرام اور منال خان آج کل دبئی میں سیرو تفریح میں مصروف ہیں جبکہ یہ جوڑا اس سے قبل مالدیپ میں موجود تھا۔ منال خان اور احسن محسن اکرام کی جانب سے گھومتے پھرتے نت نئی تصویریں اور ویڈیوز بھی سوشل میڈیا پر شیئر کی جا رہی ہیں۔
گزشتہ دنوں احسن محسن اکرام کی جانب سے اہلیہ منال خان کے ہمراہ چند تصویریں شیئر کی گئیں۔ پہلے تو اِن تصاویر میں منال خان کے لباس پر تنقید کی گئی بعد ازاں اس تنقید کو نیا رخ دے دیا گیا جس نے میمز کی شکل اختیار کرلی۔
سوشل میڈیا پر شیئر کی جانے والی میمز میں کسی نے ان کو کپڑے پہنا دیے تو کسی نے برقع پہنا دیا۔
منال خان کی ان کے شوہر کے ہمراہ ان تصاویر پر میمز بنانے والے صارفین نے تنقید کرنے والوں سے سوال کیا کہ کیا وہ سب اب خوش ہو گئے ہیں۔
- Featured Thumbs
- https://i.ibb.co/nQ5Lg8m/taza.jpg
