نشتر اسپتال ملتان میں 25 مریضوں میں ایڈز وائرس منتقل ہونے کی تصدیق ہو گئی ہے۔
اس حوالے سے اسپتال انتظامیہ کا کہنا ہے کہ انکوائری میں 25 مریضوں میں ایڈز وائرس منتقل ہونے کی تصدیق ہوئی ہے۔
انتظامیہ نے بتایا کہ کمیٹی نے ایم ایس نشتر اسپتال اور نیفرالوجی کے ہیڈ کو اس واقعے کا ذمے دار ٹھہرا دیا ہے۔ کمیٹی کی رپورٹ کل پنجاب حکومت کو پیش کی جائے گی۔
اسپتال انتظامیہ کے مطابق، ڈائیلسز یونٹ کا تمام ریکارڈ قبضے میں لے لیا گیا ہے۔
واضح رہے کہ دو روز قبل اسپتال کے ترجمان نے بتایا تھا کہ ڈائیلسز یونٹ میں ایک مریض ایڈز وائرس پھیلانے کا سبب بنا۔
ترجمان کے مطابق، ڈائیلسز یونٹ میں 240 مریض رجسٹرڈ ہیں، جن میں سے ایک مریض ایڈز سے متاثر تھا۔
انہوں نے مزید بتایا کہ اس مریض کا علاج الگ رکھی ہوئی ڈائیلیسس مشین پر کیا گیا تھا، اور اس کی وجہ سے تمام رجسٹرڈ مریضوں کی اسکریننگ دوبارہ کی جا رہی ہے۔
- Featured Thumbs
- https://www.siasat.pk/data/files/s3/tasdeeq.jpg
