ملاوی کے سابق رکن پارلیمنٹ نے پارلیمان کے اندر اپنی جان کیوں لی؟

مشرقی افریقی ملک ملاوی کے سابق رکن پارلیمنٹ نے پارلیمان کے اندر ہی اپنی زندگی کا خاتمہ کرلیا، سابق رکن پارلیمنٹ کلیمنٹ چیوایا نے ایوان میں اپنے سرمیں گولی مار کر خودکشی کرلی، پولیس کے مطابق واقعہ قانونی بل پراختلاف کا شاخسانہ لگ رہا ہے، پولیس کا کہنا ہے کہ رکن پارلیمنٹ نے اپنے حقوق پر قانونی تنازع کے باعث اپنی جان لے لی۔

پولیس کا کہنا ہے کہ سابق رکن نے دارالحکومت لِلونگ وے میں پارلیمنٹ کی عمارت کے اندر اسلحہ کلرک کے دفتر میں لے گیا،جہاں اس نے خود کو گولی ماری،ملاوی پولیس کا کہنا ہے کہ سابق پارلیمنٹیرین کلیمنٹ چیوایا معمول کی سیکیورٹی چیک کے باوجود عمارت میں اسلحہ کے ساتھ پہنچ گیا۔

سابق رکن پارلیمنٹ معذور تھے اور وہیل چیئر استعمال کرتے تھے،چیکنگ کے دوران پارلیمنٹ ہاؤس میں میٹل ڈٹیکٹر نے دھاتی اشیاء کی نشاندہی کی مگر عملے نے سمجھا کہ وہیل چیئر کی ہے،اس لیے انہیں اندر جانے کی اجازت دی گئی،حادثے کے وقت عدالت میں ان کی گاڑی سے متعلق ایک مقدمہ زیر التوا تھا جو ایکسیڈنٹ ہوگئی تھی،جبکہ ملکیت کی منتقلی مکمل نہیں ہوئی تھی اور انشورنس ختم ہو چکی تھی۔

انہوں نے بتایا کہ جب ایوان نمائندگان اس معاملے پر کام کر رہا تھا توسابق ڈپٹی اپریل 2020 میں اٹارنی جنرل کے دفتر گئے تھے، انہوں نے مزید کہا کہ یہ معاملہ محتسب کے دفتر میں بھی پیش کیا گیا،50سالہ سابق رکن پارلیمنٹ نے 2004 سے 2019 تک ملاوین پارلیمنٹ کے رکن کی حیثیت سے مسلسل تین مرتبہ خدمات انجام دیں، وہ اسمبلی کے ڈپٹی اسپیکر رہے۔