دبئی میں ایک مشہور ٹک ٹاکر نےاذان کی آواز سے متاثر ہوکر اسلام قبول کرلیا ہے۔
عرب میڈیا رپورٹس کے مطابق فلپائن سے تعلق رکھنے والی مشہور ٹک ٹاکر فیونا نے اذان کی آواز سے متاثر ہوکر اسلام قبول کیا، 8 لاکھ ٹک ٹاکر فالورز رکھنے والی فیونا رمضان المبارک کے بابرکت مہینے میں دائرہ اسلام میں داخل ہوئیں۔
انہوں نے رمضان کے پہلے ہفتے میں دبئی کے اسلامک انفارمیشن سینٹر ستوا میں کلمہ پڑھنے کے بعد اپنے لیے 'زینت' نام کا انتخاب کیا۔
ایک انٹرویو میں نومسلم زینب کا کہنا تھا کہ میں تقریبا 8 سال سے بھی زائد عرصے سے یو اے ای میں مقیم ہوں، اس دوران میں اکثر و بیشتر مساجد سے گونجنے والی اذان کی آواز سے متاثر ہوئی، میں جب بھی اذان سنتی تھی مجھے بہت سکون محسوس ہوتا تھا۔
انہوں نے مزید کہا کہ میں نے اذان کے کلمات یاد بھی کیے جنہیں میں اکثر دہرایا کرتی تھی، اذان کی ہی وجہ سے مجھے اسلام میں دلچسپی پیدا ہوئی، مجھے اسلام قبول کرنے کیلئے کسی نے مجبور نہیں کیا، میرے اہلخانہ بھی میرے اس فیصلے پر خوش ہیں۔
میڈیارپورٹس کے مطابق زینب کو دین اسلام کے بارے میں جاننے میں 20 لاکھ سے زائد ٹک ٹاک فالورز رکھنے والے پاکستانی ٹک ٹاکر سلمان نے مدد کی، زینب اسلام قبول کرنے کے بعداسلامک سینٹر سے آن لائن کلاسز لے رہی ہے اور قرآن پڑھنے کے ساتھ ساتھ کچھ سورتیں حفظ بھی کررہی ہیں۔
- Featured Thumbs
- https://www.siasat.pk/data/files/s3/tiktokershahas.jpg
