نئی دہلی کے رہائشی ہاتھوں اور پیروں سے معذور رکشہ ڈرائیور کو بھارتی بزنس ٹائیکون نے کمپنی میں اعلیٰ عہدے کی پیشکش کردی۔
تفصیلات کے مطابق معذور رکشہ ڈرائیور کو بھارتی بزنس گروپ ’مہندرا اینڈ مہندرا‘ نے ملازمت دینے کا اعلان کر دیا۔ بزنس ٹائیکون آنند مہندرا نے انٹرنیٹ پر رکشہ ڈرائیور کی ویڈیو دیکھی اور اس کی بہادری سے متاثر ہوکر رکشہ ڈرائیور کی تلاش شروع کروا دی۔
آنند مہندرا نے اپنی ٹوئٹر پوسٹ میں رکشہ ڈرائیور کی ویڈیو شیئر کی اور لکھا کہ وہ اس شخص کی بہادری سے متاثر ہوئے ہیں جو انتہائی جواں مردی سے معذوری کا مقابلہ کرتا ہے۔
انہوں نے اپنی ایک کمپنی مہندرا لاجسٹک کے اسٹاف کو اس شخص کو تلاش کر کے بزنس ایسوسی ایٹ کی نوکری دینے کی ہدایت کی۔
- Featured Thumbs
- https://www.siasat.pk/data/files/s3/india-ds.jpg
